Berdevkê YNKê: Deriyê me ji bo giftûgoya pêkanîna hikûmetê re vekiriye

PUKMEDIA

Berdevkê YNKê Karwan Gezneyî

Berdevkê Yekîtiya Nîştimaniya Kurdistanê (YNK) Karwan Gezneyî, radighîne ku deriyê diyalogê ji bo avakirina hikûmeteke aktîv û xizmetguzar û hevbeş vekiriye û dupat jî kiriye ku li ser rêbaza serok Mam Celal bin û di asta xwîna şehîdan û daxwaziyên welatiyan dibîn.

Derbarê kombûna digel Partiya Demokrat a Kurdistanê jî berdevkê YNKê aşkere kir û got: Di demên berê de hewl hatine dayîn ku di navbera Yekîtiya Nîştimanî ya Kurdistanê û Partiya Demokrat a Kurdistanê de civînek were lidarxistin. Em hêvî dikin ku hewldan di pêşerojek nêzîk de bighên encamê û civîn destpê bikin daku bikarîn hikûmeteke xizmetguzar li Herêmê pêkbînin.

Got jî: Em du hizbên siyasî yên cuda ne, xwediyê nêrîn û mekanîzmayên cuda ne ji bo birêvebirina hukimraniyê li Herêma Kurdistanê, her çend nakokiyên me hebin jî, ji ber ku em du hizbên cuda ne, lê gelek xalên me yên hevpar jî hene ku em dikarin nakokiyên xwe bidin aliyekî ji bo welatê xwe.

Karwan Gezneyî ragihand jî: Bi navê YNKê, em ji bo diyalogê bi hemû hêz û hizbên siyasî yên Herêma Kurdistanê re vekirî ne ji bo çareserkirina pirsgirêkên mayî û avakirina hikûmetekê bi tevahiya aliyên siyasî re, bi taybetî jî bi xwişk û birayên me yên li Partiya Demokrat a Kurdistanê re, da ku em karibin hikûmeteke aktîv, xizmetguzar û dadperwer pêkbînin.

PUKMEDIA