Komeleya Aştiyê bi çalakiyên xwe mîrata Kurdî li Şamê diparêzin

Kurdistanî Nwê

Folklora Kurdî li Şamê

Komeleya Aştiyê ya Kurdî, li Şamê paytexta Sûriyeyê, armanc dike ku mîrata Kurdî biparêze û hunera Kurdî li Sûriyeyê pêş bixe.

Di vê derbarê de rojnamevan û çavdêrê Komeleya Aştiyê ya Parastina Mîrata Kurdî li Şamê Îdrîs Murad, ji Kurdistanî Nwê re got: Komeleya Aştiyê ku di sala 2014an de hatiye damezrandin, di gelek waran de dixebite da ku mîrata Kurdî, çand û hunera Kurdî li Sûriyeyê biparêze.

Got jî: Komeleya Aştiyê ji nêzîkî 35 kesan pêk tê, hemî Kurd in, û di koma me de stranbêj û muzîkjenên çalak hene. Bi çalakiyên xwe yên hunerî, em bi berdewamî hewl didin ku mîrate û nasnameya Kurdî biparêzin û wê bi nifşên pêşerojê bidin nasîn.

Îdrîs Murad diyar jî kir ku: Komên me yên mehane stran û govendên gelêrî, şanoya Kurdî vedihewîne, û bi awayekî çalak beşdarî konferans û semînerên li ser stran û çandên Kurdî yên hemî civakên cûda yên li Sûriyeyê dibe. Di rojên pêş de, koma me dê pêşangehek amûrên muzîkê yên Kurdî bi zimanekî şanoyê pêşkêşî temaşevanên li Şamê, paytexta Sûriyeyê bike.

Amaje bi wê yekê jî kir Îdrîs Murad got: Armanceke din a Komeleya Aştiyê ji bo Parastina Mîrateya Kurdî li Sûriyeyê, parastina dîlan û stranên neteweyî yên Kurdî ye. Ji bo ku çand û nasnameya Kurdî li vî bajarî were nasandin û parastin, divê dîroka Kurdî bibe beşek yekgirtî ya Sûriyeya nû.

Di dawiyê de got: Komeleya Aştiyê ya Kurdî li Sûriyeyê serbixwe ye û armanca wan pêşkêşkirina nimayîşên çandî yên Kurdî û beşdarbûna pîrozbahiyên Cejna Nevroz û cejnên din ên neteweyî yên gelê Kurd e. Bi rastî, Komeleya Aştiyê li ser vê bingehê xebata xwe domandiye. Lê belê piştevaniya pêwîst ji aliyê wezareta rewşenbîrî ya Sûriyê ve ji komeleyê re nîne û zêdetir kurdên welatparêz piştevaniya komeleya me dikin li bajarê Şamê.

Rojnamevan Îdrîs Murad di sala 1972an de li Dêrîka Hemkoy a Rojavayê Kurdistanê, di malbateke Kurdperwer de ji dayik bûye. Ji ber şert û mercên taybet nekarî xwendina xwe ya zanîngehê temam bike, ew xwedanê sê pirtûkên li ser muzîka Kurdî û Sûrî hene, her weha helbestên helbestvanê navdar ê Kurd (Cegerxwîn) vegerandine ser zimanê Erebî û bi sedan rapor û gotar di kovar û rojnameyên Sûrî de hene.

PUKMEDIA/ Kurdistanî Nwê