Serokomar: Hevrêziya hewldanan ji bo piştgîriya ewlehî û aramiyê

Êraq 03:11 PM - 2026-06-04

Nameyek ji Serokwezîra Japonyayê bo Serokomar

Serokomarê Îraqê Nizar Amêdî bi boneya destbikarbûna xwe ya serokatiya komarê peyamek pîrozbahiyê ji Serokwezîra Japonyayê (Sanae Takaichi) wergirt, peyam di dema pêşwaziya cenabê Serokomar îro, roja Pêncşemê, 4ê Hezîrana 2026an, li Koşka Selam ya Bexdadê, bi Balyozê Japonya yê li Îraqê, Akira Endo re hat lidarxistin, hat dayîn.

Di peyama xwe de, Serokwezîra Japonya li ser navê hikûmet û gelê Japonya pîrozbahiyên xwe yên germ pêşkêş kir û di erkên xwe de serkeftin ji bo Serokomar xwest. Wê tekez jî kir ku Japonya girîngiyek mezin dide pêşxistina peywendiyên xwe bi Îraqê re, û ew wekî welatekî girîng ji bo aştî û aramiya li Rojhilata Navîn dibîne, wê her wiha bal kişand ser hewesa welatê xwe ya ji bo xurtkirina hevkariya di navbera her du welatan de di warên cûda de, û baweriya xwe anî ziman ku Îraq, di bin serokatiya Serok Amêdî de, dê hewl bide ku aramî û serfiraziyê bi dest bixe.

Her weha di hevdîtinê de, Serokomar spasiya xwe ji bo pîrozbahiyê anî ziman û silavên xwe bi rêya Balyozê Japonya ji Serokwezîr û gelê Japonya re ragihand, û girîngiya xurtkirina peywendiyên dualî yên di navbera her du welatên dost de û berfirehkirina asoyên hevkariya hevbeş bi awayekî ku beşdarî pêşxistina hevkariya aborî û veberhênanê bibe û piştgirîya hewildanên pêşkeftinê li welêt bike tekez kir, her weha Serokomar balkişand ser pêwîstiya hevrêziya hewildanên ji bo piştgirîkirina ewlehî û aramiya navçeyî.

Serokomar tekezî li pabendbûna Îraqê bo xurtkirina peywendiyan dike

Serokomarê Îraqê Nizar Amêdi roja Pêncşemê 4ê Hezîrana 2026an li Koşka Selam li Bexdadê pêşwazî li şandeke karûbarên Norwêcê yê li Îraqê, Alexander Lerfl, û şandeya pê re kir.

Di hevdîtinê de, wan li ser rêbazên pêşxistina peywendiyên Îraq- Norwêcê û berfirehkirina qadên hevkariyê û hevrêzkirina hevbeş ji bo bidestxistina berjewendiyên hevbeş û xurtkirina peywendiyên dostaniyê di navbera her du welatan de gotûbêj kirin.

Serokomarê Îraqê ji aliyê xwe ve tekezî li hewlên Îraqê ji bo xurtkirina peywendiyên hevkariyê bi dost û birayên xwe re li ser bingeha berjewendiyên hevbeş û rêzgirtina hevbeş kir, ku rola wê di piştgiriya aramiya herêmî de zêde bike û asoyên berfirehtir ji bo hevkarî û hevgirtinê di navbera neteweyan de veke.

PUKMEDIA