Rageşiya di navbera Îran û Îsraîlê de zêde dibe, Waşîntonê piştrast kir ku ew beşdarî êrîşan nebûye

Reuters

Îran

Artêşa Îsraîlê îro sibê Duşemê 8ê Hezîrana 2026an, ragihand ku hêza wê ya hewayî êrîşeke nû li ser Îranê pêk aniye, tenê çend xulekan piştî destpêkirina êrîşekê ji aliyê îstîxbarata leşkerî ve li ser pêkhateyên di nav komelaya petrokîmyayî ya li bajarê Mahşehrê de hatibû encamdan.

Ev êrîşa Îsraîlê piştî wê yekê tê ku pergalên parastina hewayî çend pêlên mûşekên Îranê tespît kirin û asteng kirin.
Medyaya Îsraîlê ragihand ku li çend deverên navendî û başûrê Îsraîlê zengil lê dan. Fermandariya Eniya Navxweyî piştî şopandina mûşekan ji Îranê. Kanala 12 diyar kir ku pergala parastinê çend mûşekên Îranê li başûrê Îsraîlê, herêma Deryaya Meyêt, Dîmona, û Bier Sebi asteng kirin, û destnîşan kir ku tîmên parastina sivîl û ambulansê ji bo lêgerîna cihên hedef hatine şandin.

Di vî warî de, Sipaha Pasdarên Şoreşa Îranê îro destpêkirina "Operasyona Serkeftinê" ragihand, ku cihên girîng ên li baregehên hewayî yên Nîvatîm û Tel Nof li axa dagirkirî armanc digire, wek bersivek li hember êrîşên wan bi ser Îranê.

Li gora nûçeya medyayên Îsraîlê, Fermandariya Eniya Navxweyî daxwaz dike ku di navbera berdewamiya bombebarana Îranê de, li ser Balafirgeha Bin Goriyon a li navenda Îsraîlê sînorên tundtir werin sepandin.
Radyoya Artêşa Îsraîlê ragihand ku Tel Evîvê wekî bersivdayîna êrîşên dawî, dest bi armancgirtina Îranê kiriye û piştrast kir ku heta niha du pêlên êrîşan ber bi axa Îranê ve birine birêve.
Bersivdayîna Îranê piştî wê yekê hat ku artêşa Îsraîlê ragihand ku wî binkeyên serbazî li rojava û navenda Îranê armanc girtine, di heman demê de televizyona Îranê behsa teqînan li çendîn bajarên welat kir, li gel şopandina avêtina mûşekekê ji Yemenê ber bi Îsraîlê ve.
Ajansa Reutersê ji zarê medyayên fermî yên Îranê ve veguhest ku Herêma Aborî ya Taybet a Petrokîmyayê li bajarê Mahşehrê yê Îranê hatiye valakirin.
Ajansa Nûçeyan a Fermî ya Îranê wê demê ragihand ku herî kêm dengê du teqînên bihêz li Tehranê ya paytext hatiye bihîstin, her wiha televizyona fermî diyar kir ku dengê çendîn teqînan li Tehran, Tewrêz û Îsfahanê hatiye bihîstin.
Li gora ajansa Associated Press, piştî van êrîşan, Îranê qada esmanî ya Balafirgeha Navdewletî ya Îmam Xumeynî li Tehranê girt.

Medyaya Îsraîlê her wiha eşkere kir ku hêzên deryayî yên Îsraîlê di êrîşa li ser Îranê de beşdar bûne.


PUKMEDIA