Serokomar: Piştgiriya destpêşxeriyên nîştimanî û serweriya yasa dikin

Êraq 04:10 PM - 2026-06-09

Serokomar û Sekreterê Partiya Komunîst

Serokomarê Îraqê Nizar Amêdi roja Sêşemê 9ê Hezîrana 2026an li Koşka Selam ya li Bexdayê, pêşwazî li Sekreterê Komîteya Navendî ya Partiya Komunîst a Îraqê Raid Fehmî û şandeya pêre kir.

Di hevdîtinê de, pêşketinên dawî yên li ser qadên navxweyî û herêmî û rêbazên misogerkirina aramiyê û pêşvebirina hewldanên pêşkeftinê gotûbêj kirin.

Serokomar tekezî li girîngiya xurtkirina diyalog û têgihîştinê di navbera hêzên siyasî yên cihêreng de, ku dibe alîkar bin ku helwestên yekgirtî ji bo rûbirûbûna bi pirsgirêkên heyî re û bidestxistina xwestekên welatiyan ji bo ewlehî, xizmet û pêşkeftina domdar pêk werin.

Her wiha Nizar Amêdî da xuyakirin ku pabendbûna Serokatiyê ya ji bo piştgiriya destpêşxeriyên neteweyî yên ku yekîtiya civakî xurt dikin û prensîbên edalet û serweriya yasayê diparêzin.

Ji aliyê xwe ve, Sekreterê Komîteya Navendî ya Partiya Komunîst a Îraqê Raid Fehmî piştgiriya partiya xwe ji bo hemî hewldanên ku armanc dikin ku aramiya siyasî bi awayekî ku xizmeta berjewendiyên gelê Iraqê bike û beşdarî pêvajoya ji nû ve avakirin û pêşkeftinê bibe, anî ziman.

Peyama Pîrozbahiyê ji Hevpîşeyê xwe yê Srî Lankayî Werdigire

Serokomar Nizar Amêdî her îro, bi boneya destbikarbûna xwe ya serokatiya komara Îraqê, ji Seroka Komara Demokrat a Sosyalîst a Srî Lankayê rêzdar Anura Kumara Dissanayake, peyamek pîrozbahiyê wergirt.

Di peyama xwe de, Serok Dissanayake pîrozbahiyên xwe yên germ pêşkêşî Serokomar kir û jê re serkeftin xwest, û her wiha ji gelê Iraqê re pêşketin, serfirazî û refaha berdewam xwest.

Serokê Srî Lankayê her wiha piştrast kir ku peywendiyên xurt ên di navbera her du welatan de li ser bingeha girêdanên dostaniyê, nirxên hevpar û rêzgirtina dualî ne, û hêviya xwe ji bo pêşkeftin û xurtkirina wan bi awayekî ku xizmeta berjewendiyên hevpar ên her du neteweyên dost bike anî ziman.

PUKMEDIA