Karwana heştemîn a koçberên Efrînî dest bi vegerê kirin

PUKMEDIA

Koçberên Efrînê

Koma heştemîn a koçberên Efrînê, ku ji nêzîkî 1700 malbatan pêk tê ji bajarên Qamîşlo, Girkê Lekê û Dêrikê ber bi deverên xwe ve çûn. Ev yek piştî vegera heft komên berê ji herêmên Cezîre û Kobaniyê di mehên dawî de hatiye.

Koma heştemîn a koçberên Efrînê îro sibê derketin û ber bi ware xwe yê resen ve bi rê ketin, wekî beşek ji peymana 29ê Çile ku di navbera Hêzên Demokratîk ên Sûriyeyê û Hikûmeta Demkî de hatiye îmzekirin, ku vegera koçberan bo malên wan hêsan dike.

Karwana ku ji 1700 malbatên koçber pêk dihat ku li bajarên Qamîşlo, Girkê Kekê û Dêrikê diman, ji çerxerêya Şehîd Yûsif Kelo ya li Qamîşlo ber bi Efrînê ve çû. Biryar e ku îro êvarê bigihîje cihê xwe yê armanckirî.

PUKMEDIA