Deriyê sinorî ya navbera Qamişlo û Nisêbînê dê bê vekirin

ANHA

Deriyê Sinorî ya Qamişlo û Nisêbînê

Biryare heftiya bê deriyê sînorî yê di navbera bajarê Qamişlo û bajarê Nisêbînê ya bakûrê Kurdistanê  hefteya bê were vekirin.

Li gorî ajansa Hawar newsê, deriyê sînorî yê di navbera Rojava û Bakurê Kurdistanê de yê li bajarê Qamişloyê wê hefteya bê were vekirin.

Giringiya Deriyê Sinorî yê Qamişlo - Nisêbîn

Her weha amadekarî ji bo vekirina deriyê sînor ê Nisêbînê ji aliyê Sûriyeyê û Tirkiyeyê ve nehatine rawestandin. Ji damezrandina fermanberan bigire heta sazkirina kamerayên çavdêriyê di nav du rojên borî de.

Deriyê sinorî ya Qamişlo- Nisêbînê ji deriyên sînorî yên navendar li herêmê ye, di salên borî de demdemî dihat vekirin, bi taybet jî di 2016ˊan desthilatdarên Tirkiyeyê derî li pêş tevgera sivîl û bazirganiyê bi temamî girt.

23 deriyên sinorî yên fermî Sûriyê bi welatên cîran re girê dide

Sûriye di erdnîgariya cîhanî de wek deriyek ji bo veguhastina di navbera Rojhilat û Rojava de bi rêya 23 deriyên sînor ên fermî cih digire ji wan 5 derî bi Iraqê re (Tenf, Bûkemal, Welîd, Til Koçer û Sêmalka) , 10 derî bi Tirkiyeyê re (Bab El Selame, Bab El Hawa, Cerablus, Girê Spî, Keseb, El Raî, Nisêbîn, Dirbêsiye, Hemam û Serêkaniyê), û 6 derî bi Lubnanê re (Mesna, El Debûsiye, El  Erîde, El Cûsiye, Tilkelax û Metraba), her weha 2 derî jî bi Urdunê re (Nesîb û El Remsa-Dara) ne, ku piraniya van deriyan vekirî ne, lê hin ji ber sedemên cuda yên siyasî girtî ne.

Li parêzgeha Hesekê ku rûbera wê nêzîkî 23 hezar kîlometreçargoşe ye, 2 deriyên fermî bi Tirkiyeyê re hene ku ji bakur ve li ser sînorê wê ye Tirkiyeyê deriyên Nîsebîn û Dirbêsiye hene û 3 derî jî bi Iraqê re li sînorê wê rojhilat û başûrê rojhilat hene, ew jî deriyên El Welîd, Til Koçer û Sêmalka ne. Ev derî bûne xaleke girîn a dan û standina bazirganiyê li Rojhilata Navîn.

Bazirganiya navbera Tirkiyê û Sûriyê û Îraqê geş dibe

Bazirganiya di navbera Sûriyeyê û Tirkiyeyê de di sala 2011`an de berî ku deriyên sînor werin girtin gihaştiye nêzîkî 2 milyar dolarî. Ev bazirganî bi giranî li 2 deriyên sereke bû; Nisêbîn û Bab El Hawa.

Her du welatan ji sala 2004`an vir ve peymaneke bazirganiya azad hebû ku di sala 2007`an de hat pêkanîn û bû egera ku bazirganî bi qasî ji sedî 30 zêde bibe.

Wezîrê Bazirganiyê yê Tirkiyê Omer Polat ragihand; ewamade ne deriyê sinorî yaNisêbînê bi Qamişlo re vekin. Her weha aşkere jî kir ku, qebareya pevguhertina bazirganî di navbera Sûriyê û Tirkiyê de di niha de gihêştiye zêdetirî 3 milyar dolar û di çend salên bê de armancawan ewe ku bighînin 10 milyar dolarî.

PUKMEDIA