Amerîkayê serokê tora Tren De Aragua ya Venezuelayê kuşt

Reuters

wêneyê êrîşê

Serokê Amerîkayê Donald Trump ragihand ku hêzên Amerîkayê serokê tora Tren De Aragua ya Venezuelayê (Hector Rustenford Guerrero Flores), ku wekî (Nino Guerrero) jî tê nasîn, kuştine.

Serokê Amerîkayê Donald Trump roja Înê êvarê got ku; Fermandariya Başûr a Amerîkayê fermana êrîşeke bilez û kujer a livok da ku (Nino Guerrero) serokê Tren De Aragua, yek ji rêxistinên terorîst ên herî xwînmij, bi serkeftî were kuştin.

Di heman demê de, medyaya Venezuelayê ragihand ku Guerrero di pevçûnên bi endamên komên tawankar di dema operasyonê de hatiye kuştin.

Ew jî hatiye diyar kirin ku; Operasyon ji hêla teknolojiya pispor ve hatiye piştgirî kirin û bi hevkariya û parvekirina îstîxbaratê di navbera rayedarên her du welatan de hatiye kirin.

Eve jî di demekê de ye ku; Serokê Amerîkayê Donald Trump gelek caran Guerrero û serokên din ên Tren de Aragua ji ber beşdarbûna wan di tawankariyan de  ên wekî bazirganiya madên hişber, bazirganiya mirovan û şûştina pereyan de hedef girtiye.

Di vê navberê de, Wezareta Derve ya Amerîkayê (Tren De Aragua) wekî rêxistineke terorîst a biyanî destnîşan kiriye.

Tren De Aragua, ku bi bazirganiya mirovan tê nasîn, rêyên ku Venezuelayî û koçberên din ên Amerîkaya Başûr ber bi başûr û Şîlî û deverên din ên Amerîkaya Başûr an Ewropayê ve diçin kontrol dike.

Di heman demê de, berpirsên polîsên Amerîkaya Latîn dibêjin ku ev kom di zorê, revandin, şûştina pereyan, kuştinên peymanî, qaçaxçîtî û diziyên takekesî yên rêxistinkirî ji Panamayê ber bi Brezîlyayê û li ser Korîdora Andê de beşdar bûye.

PUKMEDIA