Serokomar: Tekezî li jîngeheke aram ji bo rojnamevanan dikin

Ragihandina Serokomar

Serokomarê Îraqê Nizar Amêdî

Serokomarê Iraqê (Nizar Amêdî) bi boneya 157emîn salvegera damezrandina rojnamegeriya Iraqê, nameyeke pîrozbahiyê ji rojnamevanên Iraqî re şandiye û dibêje: Ez bi şanazî ve şehîdên rojnamegeriya Îraqê bibîrtînim.

Naveroka peyamê:

Bi boneya 157emîn salvegera damezrandina rojnamegeriya Iraqê, ez ciwantirîn pîrozbahiyên xwe li hemû rojnamevan û dezgehên medyayê yên li Iraqê dikim, û rola wan a neteweyî û profesyonel di ragihandina rastiyê û dengê welatiyan de bilind dinirxînim.

Em piştgiriya xwe ji bo afirandina jîngeheke ewle û perwerdekirina rojnamevanan ji bo pêkanîna erkên xwe yên profesyonel bi awayekî azad û berpirsiyar tekez dikin, ji ber ku ew stûneke sereke ne di xurtkirina demokrasiyê de.

Bi vê boneyê, em bi serbilindî şehîdên rojnamegeriya Iraqê yên ku jiyana xwe ji bo parastina rastiyê û azadiya axaftinê feda kirin bi bîr tînin, da ku qurbaniyên wan her gav ji hêla welêt ve werin bîranîn û bibin çavkaniya îlhamê ji bo nifşê pêşerojê.

Em pişta xwe didin medyaya profesyonel da ku rola xwe di xurtkirina baweriyê di navbera civak û medyayê de, rûbirûbûna peyamên tundrew û derewîn, û beşdarbûna di avakirina pêşerojek hêjayî hemû Iraqiyan de bidomîne.

Nizar Amêdî
Serokomar

PUKMEDIA