Rohilat Efrîn:Aramiya Sûriyê girêdayî naskirina nasnameya serbazî ya jinê ye

Ajans

Rohilat Efrîn

Fermandara Giştî ya Yekîneyên Parastina Jinan (YPJ), Rohilat Efrîn, piştrast kir ku bêyî naskirina eşkere ya nasnameya leşkerî û mafên jinan, di pêvajoya aştiyê ya Sûriyê de ti serkeftin yan aramî nayê bidestxistin.

Rohilat Efrîn di dema beşdarbûna xwe de di semînereke diyalogê de ku ji aliyê Enstîtuya Aştiyê ya Kurdî ve hatibû sazkirin got:Pêdivî ye ku fişarek cidî li ser hikûmeta Şamê were kirin daku mafên yasayî û siyasî yên jinan di nav dezgehên leşkerî de nas bike, her wiha destnîşan kir ku "berdewamiya gotûbê û lihevkirinên bi nûnerê serokatiya Amerîka, Tom Barrack, re derbarê vê mijarê de heye.

Fermandarê giştî her wiha got:Hişmendiya Baviksalar ya li herêmê belavbûyî, di dîrokê de artêşan veguherandiye amûrek ji bo talankirin û tepeserkirina vîna civakan li şûna parastina wan.

Wê hişyarî da ku nebûna jinan di nav avahiya leşkerî de saziyên çekdarî dixe bin kontrola mêran ya mutleq, ev yek wê vediguherîne metirsiyekê ku gefê li nirxên bingehîn yên civakê dixwe, wekî ku di serdema kontrola rêxistina terorîst ya DAIŞê li herêmê de rû da.

PUKMEDIA