Îro 20ê Hezîranê Roja Cîhanî ya Penaberane

Taybet

Penaberên Rojavayê Kurdistanê li Silêmaniyê

Bi boneya 20ê hezîranê Roja Cîhanî ya Penaberan, Encumena Penaberên Kurdên Rojava- Sûriyê daxuyaniyek weşandiye û ragihandiye: Bîranîna bi mîlyonan kesên ku ji ber şer û stemkariyê ji mal û welatê xwe dûrketine. Penaber ne tawanbare, penaber qurbanî ye.

Her weha Encumena Penaberên Kurdên Rojava- Sûriyê bi vê boneyê bang kiriye û dibêje: Werin em ji bo cîhanek bê şer, bê penaber destên xwe bidin hev.

Eve jî naveroka peyamê ye:

"Bîranîna bi mîlyonan kesên ku ji ber şer û stemkariyê ji mal û welatê xwe dûrketine. Penaber ne tawanbare, penaber qurbanî ye.
Werin em ji bo cîhanek bê şer, bê penaber destên xwe bidin hev.

Di sala 2000an de, Civata Giştî ya Neteweyên Yekbûyî biryar da ku 20ê Hezîranê wekî Roja Penaberan a Cîhanê di salvegera pêncî saliya Peymana Cenevreyê ya 1951an a li ser Mafên Penaberan de raghîne. Her weha piştre di sala 2001`an her sal roja 20/6 wek Roja Cîhanî ya Penaberan bi fermi pesend kir û ji bo raya giştî ragihand. Peymana Cenevreyê ya li ser Mafên Penaberan belgeyeke yasayî ye ku ji hêla 144 welatan ve hatiye îmzekirin.

Bi vê boneyê, em wekî Encumena Penaberan a Kurdên Rojava-Sûriyê daxwazê li Komîserê Bilind ê Penaberan ê Neteweyên Yekbûyî û hemî aliyên peywendîdar li Iraq û Herêma Kurdistanê dikin ku rewşa penaberên Sûrî li Iraq û Herêma Kurdistanê, ku hejmara wan ji 350 hezar kesan zêdetir e, lêkolîn bikin. Tenê li Herêma Kurdistanê, mêvandariya ji 250 penaberên Sûrî zêdetir dikin, ku piraniya wan Kurdên ji Rojavayê Kurdistanê ne.

Em pêşniyar dikin ku bi armanca bicihkirina wan li welatekî sêyemîn, alîkarî ji wan re were kirin, bi taybetî ji nexweşan û kesên ku qeyda wan a fermî tune ye (Mektumî El-Qeyd).

Roja wan kesên ku hêviyên xwe qutnekirine pîroz be."

Encumena Penaberên Kurdên Rojava – Sûriyê

PUKMEDIA