Baregehên Tirkiyê agir bi erdên li rojavayê Til Temirê xistin

PUKMEDIA

Til Temir

Baregeha leşkerî ya dewleta Tirk a li gundê Leylan ê dagirkirî agir berda firêzeyên li derdora gundên Leylan û El Erbaîn, li rojavayê Til Temirê, di encamê agir li erdên çandinyê yê derdorê belav bû û berfireh bû.

Baregeha leşkerî ya dewleta li gundê Leylan ê dagirkirî bi zanebûn agir berdan derdora gundên Leylan û El Erbaîn, di encamê de agir li seranserê erdên çandiniyê yên di nav axa dagirkirî de belav bû.
Li gorî agahiyên ji navçeyê hatine wergirtin, dibêjin Tîmên awarte yên li Til Temirê, bi hevkariya şêniyan ketine amadebaşiyê, ji bo pêşîgirtina belavbûna agir li deverê û erdên wan ên çandiniyê.
Tîmên awarte otombîl û tîmên agirkujiyê ji bo destwerdana bilez amade kirine û ketine amadebaşiyê ger agir ji sînorên axa dagirkirî derbas bibe.

Ev agir di rêze agirên ku vê dawiyê li herêmê rû didin de ye, ku ziyanên girîng gihandine berhemên çandiniyê û milkê taybet, û bi nêzîkbûna demsala çinînê re êşa niştecih û cotkaran zêde kirine.

PUKMEDIA