Li Helebce nexweşxaneya Ruqiye dê were avakirin

Taybet

Şanda Kerbela li Helebce

Şandeyek ji Sendîkeya Rojnamevanên Kerbelayê serdana parêzgeha Helebceyê kirin û dê nexweşxaneyekê li bajêr ava bikin, û amadebûna xwe ji bo hevrêziyê di navbera her du parêzgehan de nîşan dan.

Îro, 23ê Hezîrana 2026an, şandeyek ji Sendîkeya Rojnamevanên Kerbelayê, bi serokatiya Husên Şemerî, serdana parêzgeha Helebceyê kir û bi parêzgara Helebce Nuxşe Nasih re civiya û li hemberî erk û xebatên wê ji bo dîtina cenazeya Ruqiye a 11 salî ku ketibû çemê Zelim  xelatek pêşkêşî wê kirin.

Di hevdîtinê de, wan amadebûna xwe ji bo hevrêziya bêtir û xebata hevbeş di navbera her du parêzgehan de nîşan dan û ragihandin: Ew dixwazin bi budceya hikûmeta xwecihî ya Kerbelayê û rêxistinên xêrxwaziyê yên li parêzgehê, nexweşxaneyek bi navê Ruqiye li bajarê Helebc ava bikin.

Wan aşkere jî kir: Piştî merasîmên Aşûrayê, parêzgarê Kerbelayê dê serdana Helebceyê bike û ew dixwazin çend peymanan di navbera her du aliyan de îmze bikin.

Di hemberî wê de, parêzgara Helebceyê amadebûna xwe ji bo hevrêziya bêtir nîşan da.

Di çarçoveya serdana xwe de, şandeya rojnamevanên Kerbelayê serdana monomênta Helebceyê kirin, hemû beşên monomêntê ziyaret kir, û dû re jî biryar e ku serdana çavkaniya Zelimê bike.

PUKMEDIA