Hejmara miriyan erdheja li Venezuelayê gihîşte 235 kesan

France 24

Dîmenek ji erdhejê

Li welatê Venezuela ji ber du erdhejên mezin û li pey hev, hejmara kesên ku jiyana xwe ji dest dane gihîşt 235 kesan,her wiha zêdetirî 4 hezar û 300 kes birîndar bûne û tê texmînkirin ku zêdetirî 200 kes jî hîna di bin kavilan de mane.

Duh êvarê, Serokê Civata Neteweyî ya Venezuelayê Jorge Rodriguez ragihandibû ku hejmara qurbaniyan 188 kesin, 1500 kes birîndar bûne û 200 kes jî di bin kavilan de winda ne,lê îro Wezareta Tenduristiyê ya wî welatî amarên nû eşkere kirin û ragihand ku hejmara miriyan gihîştiye 235 kesan û ya birîndaran jî ji 4 hezar û 300 kesî derbas bûye.

Navenda Lêkolînên Jeolojîk ya Amerîka (USGS) ragihand ku li Venezuelayê bi navberekî pir kurt (tenê 39 saniye) du erdhejên rûxandî yên bi mezinahiya 7.2 û 7.5 rû dane.

Li aliyê din, li gorî nûçeya ku kanala Skynewsê belav kiriye, ji duh şev ve heta niha navên zêdetirî 20 hezar kesan wekî windabûyî hatine tomarkirin û malbatên wan tu agahiyan ji wan nagirin.

PUMEDIA