NY:Şerê li Rojhilata Navîn barê welatên pêşketî girantir dike

NY

Encamên mayînde li ser refah, debara jiyanê û ewlehiya xwarinê ya nifûsa gundewarî ya xizan hiştiye.

Encamên mayînde li ser refah, debara jiyanê û ewlehiya xwarinê ya nifûsa gundewarî ya xizan hiştiye.

Raporteke nû ya Bernameya Geşepêdanê ya Neteweyên Yekbûyî eşkere dike ku hewldanên welatên pêşkeftî ji bo çareserkirina bandorên berdewam yên pevçûnên li Rojhilata Navîn biha ne, û ji bo veberhênanên girîng di perwerde, tenduristî û pêşîniyên din yên geşepêdanê de cihekî hindik dihêlin.

Di raportê de hat destnîşankirin ku welatên kêm-dahat û navîn bi riya rêkarên wekî sotemeniyên fosîl, sînordarkirina bihayan, kêmkirina bacê û tedbîrên rêveberiya daxwazê, beşî gelên xwe ji zêdebûna bilez ya bihayên petrolê parastine.

Raport bi sernavê "Zêdebûna Leşkerî li Rojhilata Navîn: Kêmkirina Şoka Cîhanî" hişyarî da ku her çend piştgirîyên sotemeniyên Fosîl rihetiyek demkî peyda dikin jî, ew di dawiyê de armancên avhewa û pêşkeftinê têk dibin bi asêkirina welatan di riyên Karbon-bilind de û sînordarkirina veberhênanên pêşerojê.

Serokê Bernameya Geşepêdanê ya Neteweyên Yekbûyî, Alexander de Crowe, got:Welatên pêşketî - ku gelek ji wan jixwe bi deynan bargiran in ;di parastina demkî ya gelên xwe ji bandorên herî xirab Yên şoka wuzeyê de bi ser ketine. 

Her weha aşkere kir ku ev welat hemû hewla xwe didin, lê lêçûnek veşartî heye; ji bo çareserkirina qeyrana îro, hikûmet weberhênanên sibê paş dixin,pereyê ku diviyabû ji bo avakirina dibistan, nexweşxane û pergalên wuzeya paqij bihata bikaranîn, tenê ji bo domandina aboriyan tê bikaranîn.
Navbirî destnîşan kir ku bêyî piştgiriya navneteweyî, ev welat dê nikaribin ji şokê derbas bibin, û ewê barê li ser hesabê mezinbûna pêşerojê hilgirin.

Li gorî raportê, nêzîkî nîvê welatên herî xizan yên cîhanê ji niha ve di tengasiya deynan de ne, yan jî di bin metirsiyeke mezin ya ketina nav deynan de ne, û deyn bi rêjeyeke zêde û zêdetir li pêşiya lêçûnên pêşkeftinê dimîne.

Raport bi Konferansa Berdewamiyê ya Hamburgê re, ku vê hefteyê hate lidarxistin, hate weşandin.

Konferans civînek salane ya asta bilind e ku armanc dike hevkariyên nû û çalakiyên hevkar pêş bixe, û siyasetmedarên gerdûnî, rêberên kerta taybet, şarezayên akademîk û nûnerên civaka sivîl tîne cem hev.

PUKMEDIA