Serokomar tekezî li hewldanên ji bo rûbirûbûna pirsgirêkan dike

Ragihandina Serokomar

Serokomar û Serokê Dezgeha Îstîxbarata Neteweyî ya Tirkiyê

Serokomarê Iraqê Nizar Amêdî tekez kir ku diyalog û jihev têgihîştin kevirên bingehîn ên kontrolkirina krîzan in.

Nizar Amêdî Serokomarê Iraqê roja Sêşemê 30ê Hezîrana 2026an li Koşka Bexda û bi amadebûna serokê dezgeha Îstîxbarata Neteweyî ya Iraqê Hemîd El-Şetrî, pêşwazî li serokê dezgeha Îstîxbarata Neteweyî ya Tirkiyeyê (MIT) Îbrahîm Kalin û şandeya pêre kir,.

Di civînê de pêşketinên herî dawî yên herêmî û navneteweyî, û her weha rêbazên pêşxistina hevkariya di navbera Iraq û Tirkiyeyê de di warên ewlehî û îstîxbaratê de, bi awayekî ku berjewendiyên her du welatan biparêze, hatin gotûbêj kirin.

Serokomar Nizar Amêdî ragihand ku diyalog û jihev têgihîştin kevirên bingehîn ên kontrolkirina krîzan in, û tekezî li girîngiya yekkirina hewildanan ji bo çareserkirina pirsgirêkên sînoran derbas dikin ji bo parastina ewlehiya hevpar û avakirina jîngehek aramtir li herêmê kir.

Ji aliyê xwe ve, serokê dezgeha Îstîxbarata Neteweyî ya Tirkiyeyê Îbrahîm Kalin, pabendbûna welatê xwe ji bo parastina hevrêzî û hevkariya bi Iraqê re di hemî waran de û vekirina asoyên berfirehtir ji bo pêşxistina peywendiyan û xebatê di navbera saziyên têkildar ên li her du welatên cîran de piştrast kir.

PUKMEDIA