Li ser daxwaza Fraksyona YNKê li Xaneqînê rêveberiya pasaportan tê vekirin

Arşîv

Bajarê Xaneqînê

Piştî hewldanên berdewam ên endameka fraksiyona YNKê li parlementoya Iraqê, Wezîrê Navxwe û Rêveberiya Giştî ya Regezname û Pasaportan di dawiyê de vekirina rêveberiyeke pasaportan li Xaneqînê erê kirin.

Endama fraksiyona YNKê li parlementoya Iraqê Sirwa Mihemed, ji PUKMEDIA`yê re got: Me gelek daxwaz ji Xaneqînê wergirtine derbarê vekirina beşa pasaportan li navçeyê, di vê çarçoveyê de, min bi fermî ji Rêveberiya Giştî ya Regezname û Pasaportan a Iraqê xwest ku ji bo vekirina vê beşê alîkariya me bikin.

Got jî: Piştî gelek hewldanan, min di dawiyê de ji Wezîrê Navxwe û Rêveberiya Giştî ya Regezname û Pasaportan a Iraqê erêkirina vekirina Rêveberiya Pasaportan li Xaneqînê wergirt.

Sirwe Mihemed tekez kir ku: Vekirina beşê pasportê dê gelek xizmetan ji niştecihên Xaneqîn û derdora wê re peyda bike û êdî ne hewce ye ku ji bo karûbarê bidestxistina pasaportan biçin Diyalayê, eve hewlên me jî wek xizmetek ji xelkê me yê hêja yê Xaneqînê encam daye.

PUKMEDIA