Vance: Ger danûstandinên bi Îranê re serkeftî bin, em ê veguherînek radîkal bibînin

PUKMEDIA

Alayên Îran û Amerîka

Cîgirê Serokê Amerîkayê JD Vance got ku divê Amerîkayê bi rêya kontrolên berdewam piştrast bike ku bernameya nuklerî ya Îranê hatiye rakirin.

Vance di daxuyaniyên xwe yên di hevpeyvîneke televizyonî de wiha got: Trump ji me xwest ku em yadeştnameya lihevkirinê ya bi Îranê re bikar bînin da ku aboriya cîhanê ji nû ve bi petrolê dabîn bikin, piştre em binêrin ka dê çawa pêşketin çêbibe.
Vance bal kişand ser wê yekê ku Trump "xwestiye kartên bi Îranê re ji nû ve bîne ser hevdu da ku xalên zextê û cihên ku dikarin tê de pêşveçûnê bi dest bixin bibîne, Bal kişand ser wê yekê ku tiştên bi Îranê re pir hatine guhartin şiyanên wan ên leşkerî kêm bûne, aboriya wan zeîf bûye, û Îsraîl û Libnan jî dest bi axaftina bi hev re kirine.

Wî tekez kir ku Trump "dixwaze pêvajoya danûstendinê ya bi Tehranê re bi peywirên ku mirov dikare piştrast bike berdewam bike," û anî ziman: Em ji Îranê pabendbûna mayînde dixwazin.
Vance di dema hevpeyvînekê de ligel "Fox News" got: Ez bawer dikim ku Amerîka di rewşeke pir baş de ye, encama dawî ya danûstendinan çi dibe bila bibe. Heke danûstendin bi serkeftî bi dawî bibin ku em hemû vê dixwazin em ê şahidiya guherîneke bingehîn li Îranê bikin. Lê heke Îranî pabendî şertên xwe nebin, bernameya wan a nukleerî û artêşa wan ê wekî wêranbûyî bimînin, û Amerîka ê di rewşeke pir bihêztir de be ji Îraniyan.

PUKMEDIA