Serkewt Zekî: YNKê hikûmetekê dixwazê ku xizmeta gel bike

Hevpeyvîn 03:17 PM - 2026-07-07

Endamê Mekteba Siyasî ya YNKê Serkewt Zekî

Endamê Mekteba Siyasî yê Yekîtiya Nîştimanî ya Kurdistanê YNKê Serkewt Zekî ragihand; ku di pênc salên borî de, di navbera salên 2014 û 2021an de, ji ber koça dawî ya Serok Mam Celal û qeyrana budceyê, YNKê rastî astengiyên dijwar bû beşek zêde ji peywendiyên xwe jidest dabû, lê piştî sala 2021an, di bin serokatiya Serok Bafil Talebanî de, YNKê kariye van têkiliyan bi aliyên Kurdistanî, Iraqî û navneteweyî re ji nû ve ava bike û ji nû ve were rêxistin kirin.

YNKê kariye polîtîkayên Serok Mam Celal bicîh bînin

Di hevpeyvînekê de di gel Radyoya Dengê Gelê Kurdistanê ew , Serkewt Zekî amaje bi wê yekê jî kir û got; Piştî hilbijartinên 2021an, YNKê kariye polîtîkayên Serok Mam Celal bicîh bînin û vegerin çanda siyasî û xezîneyên dewlemend ên ku ji bo me hatibûn hiştin. Niha peywendiyên me yên pir baş û dostane bi piraniya hêz û aliyên Iraqî re hene. Em bawer dikin ku em ê têkiliyên xwe bi hêzên Iraqî re bigihînin astek herî baş.

Tîma peywendiyên YNKê û Serok Bafil rolek pir mezin lîstin

Endamê Mekteba Siyasî ya YNKê diyar jî kir ku; Tîma peywendiyên YNKê û Serok Bafil rolek pir mezin û bi bandor lîstin, ku di nav pênc salan de bandorek li ser rêveberiya niha ya dewleta Iraqê hebûye.

Derbarê pêkanîna hikûmeta nû ya Herêma Kurdistanê jî Serkewt Zekî got, Tenê tiştê ku em dixwazin di Hikûmeta Herêma Kurdistanê de were nîşandan hikûmetek şeraketa nîştimanî be û em jî şirîkê rasteqîne ya wê hikûmetê bin.

Dema îradeya 50 milyon Kurd yekgirtî be ti hêzek nikare rawestîne

Zekî got: Serok Bafil dibêje ku dema îradeya 40 heta 50 milyon Kurd yekgirtî be, ti hêzek nikare ev îradeya mezin rawestîne. Li Iraqê jî, hejmara Kurdan nêzîkî şeş milyon e, dema ku îradeya şeş milyon Kurd bi rêya hêzên siyasî hevbigre, tu hêzek li Iraqê an li derveyî Iraqê tune ku dikare vê îrade rawestîne, ji bo vê yekê dive em hemû yekbin.

PUKMEDIA