Di 24 demjimêrên borî de sê keştiyên petrolê rastî êrîşê hatine

Reuters

Keştiyeke Petrolê li Hurmiz

Li gorî Desteya Operasyonên Bazirganî yên Deryayî ya Brîtanî, keştiyeke din a bi petrolê barkirî dema ku ji Tengava Hurmuz derbas dibû rastî êrîşê hatiye.

Desteya Operasyonên Bazirganî diyar jî kir ku, keştî ji aliyê droneke nenas ve hatiye lêdan û zirarên madî gihêştiyê, lê ti birîndarî an zirara jîngehê çênebûye.

Êrîş piştî êrîşeke din a li ser keştiyeke tanker a gaza xwezayî pêk hat ku di odeya motorê de agir derket, gefa teqînê lê hat xwarin û tîma keştiyê alîkarî xwest.

Heya niha tu komekê berpirsiyariya êrîşan negirtiye ser xwe, lê rayedarekî Amerîkî ku nexwest nave xwe aşkere bike got ku; nîşanên pêşîn ew in ku Îranê gule li du keştiyên bazirganî barandiye.

Ev pêşveçûna nû di bazarên awarte yên deryayî de tirs çêkiriye,bi awayekî lêçûna barkirina tankereke petrola xav li herêma Kendavê ya rojane gihîştiye nêzîkî 300 hezar dolarî.

PUKMEDIA