Serokomar: Parastina jîngeha medyayê ji kiryarên ku civakê parçe dikin

Ragihandina Serokomar

Serokomar û Serokê Dezgeha Cîbicîkar yê Desteya Ragihandin

Serokomarê Iraqê Nizar Amêdî îro roja Pêncşemê, 9ê Tîrmeha 2026an, li Koşka Selam li Bexdayê, pêşwazî li Serokê Dezgeha Cîbicîkar yê Desteya Ragihandin û Gihandinê Belîx Ebû Kelel, kir.

Di civînê de rewşa heyî ya jîngeha medyayê ya li welêt û rêbazên pêşxistina wê bi awayekî ku azadiya raman û derbirînê biparêze, gotareke medyayê ya berpirsiyar misoger bike ku beşdarî şekildana hişmendiya giştî bibe û berjewendiya neteweyî pêş bixe, hat gotûbêj kirin.

Serokomarê Iraqê di civînê de tekez kir ku avakirina medyayeke neteweyî ya bihêz tenê bi misogerkirina azadiya derbirînê, pabendbûna bi pîvanên pîşeyî û qanûnî, û parastina jîngeha medyayê ji kiryarên ku baweriya bi saziyên medyayê xera dikin an jî dabeşbûna civakî çê dike ye.

Ji aliyê xwe ve, Ebû Kelel xebat û planên desteyê ji bo serdema pêş de ku armanc dikin ku kalîteya naveroka medyaya profesyonel zêde bikin û azadiya derbirînê misoger bikin, nirxand.

PUKMEDIA