Piştî nerazîbûnên bo parastina navên dîrokî û zimanê Kurdî li ser çend tabelayên li Hesekê û Kobanê hat pesendkirin

Rewangeha Sûrî bo Mafên Mirovan

tabelaya Çil Axa bi zimanê Kurdî û Erebî

Rawangeha Sûrî bo Mafên Mirovan guhertinên li ser çend tabelayan li bajar û saziyên li bakur û rojhilatê Sûriyê dîtiye ku ev guhertin pejirandina zimanê Kurdî li kêleka zimanê Erebî jî li xwe digire, ku bi tevgerên gel yên berdewam re hevdem e ku daxwaza parastin û naskirina fermî ya navên bajarên dîrokî dikin.

Di vê çarçoveyê de, rêveberiya postexaneyabajarê Cewadiye (Çil Axa) tabelaya posteyê guherand û navê bajêr bi zimanê Kurdî li kêleka navê Erebî lê zêde kir,ev yek piştî nerazîbûnên raya giştî yên li dijî bikaranîna tenê navê "Cewadiye" piştî vekirina navendê hat, û niştecihan daxwaza tevlîkirina navê Kurdî "Çil Axa" wekî beşek ji nasnameya herêmî ya bajêr kirin.

Her wiha tabelayek nû li ber deriyê bajarê Kobanî li gundewarê bakurê rojhilatê Helebê hate danîn, ku navê bajêr "Kobanî" bi hem zimanên Kurdî û hem jî Erebî li xaçerêya Sirînê nîşan dide, ev gav ji aliyê niştecihan ve bi kêfxweşî hate pêşwazîkirin,bi heman awayî,Kurdî digel Erebî li ser hejmarek tabelayên li saziyên fermî, di nav de Qesra Dadê li Qamîşlî û nivîsgehên posteyê li bajarê Hesekê, hatiye pejirandin.

Ev pêşketin bi zêdebûna xwepêşandanên gel yên li dijî guhertina navê Kobanê ji bo "Eyn El-Ereb" re hevdem in,li Qamîşlo, bi beşdariya niştecih, çalakvan û nûnerên rêxistinên civaka sivîl mîtîngek hevgirtinê hate lidarxistin ku di mîtîngê de, wan pabendbûna xwe bi navê "Kobanî" û redkirina her hewldanek ji bo guhertina wê piştrast kirin, ji ber ku nav beşek yekgirtî ya dîrok û nasnameya çandî ya bajêr dibînin.

Li bajarê Kobanî û bajarên din yên parêzgeha Hesekê, di nav de Qamîşlo, Amûdê û Dirbêsiyê, xwepêşandanên mezin yên giştî hatin lidarxistin û daxwaz hate kirin ku navê "Kobanî" bi fermî di destûra bingehîn û belge û tomarên hikûmetê yên Sûriyê de were pejirandin;her wiha hat xwestin ku navê "Eyn El-Ereb" were rakirin;beşdaran pankart bilind kirin û duruşm qîr kirin ku tekezî li ser pêwîstiya parastina navên dîrokî yên bajaran û rêzgirtina li pirrengiya çandî û taybetmendiyên bêhempa yên civakên herêmî dikirin.

Beşdarvanên çalakiyan tekez kirin ku daxwazên wan di çarçoveya parastina nasnameya çandî û dîrokî ya herêmê de ne, û destnîşan kirin ku tevger û çalakiyên aştiyane yên ku armanc dikin navê "Kobanî" di belgeyên fermî û destûra Sûriyê de were bicihkirin, di nav beşdariyeke berfireh ya gel de ku komên temenî yên cûda di nav de bûn, berdewam in.

Li gorî Rewangeha Sûrî bo Mafên Mirovan rêzgirtina li taybetmendiyên çandî û zimanî yên pêkhateyên cihêreng yên Sûrî û parastina navên dîrokî yên bajar û bajarokên cuda, beşek girîng ya pêşvebirina jiyana civakî û xurtkirina perensîbên pirrengî û hevkariya neteweyî di Sûriya pêşerojê de pêk tîne.

PUKMEDIA