Serokomarê Iraqê tekezî li xurtkirina parastina zarokên sêwî dike

Ragihandina Serokomar

Aliyekî hevdîtinê

Serokomarê Iraqê Nizar Amêdî roja Şemiyê, 11ê Tîrmeha 2026an, serdana Weqfa Mala Afirînerî ya Iraqî ya ji bo lênêrîn û perwerdehiya zarokên sêwî û yên rastî tundûtîjiyê hatine kir.

Serokomar Nizar Amêdi piştrast kir ku avakirina Iraqek ewle û aram bi parastina zarokên wê û dabînkirina garantiyên qanûnî û mirovî yên ku pêşerojek çêtir ji bo wan misoger dikin dest pê dike.

Her weha destnîşan jî kir ku lênêrîna zarokên sêwî pêşîniyek neteweyî û mirovî ye û berpirsiyariyek hevpar e ku dikeve ser milê saziyên dewletê û civakê. Serokomar tekez kir ku parastina mafên wan û dabînkirina hawîrdorek ewle ji bo wan erkek destûrî û exlaqî ye.

Serokomar banga xurtkirina bernameyên lênêrîna civakî, psîkolojîk û perwerdehiyê kir da ku perwerdehiyek rast misoger bikin ku rûmeta zarok diparêze û derfetên wekhev ji bo mezinbûn û jiyanek baş garantî dike. Wî her wiha girîngiya lezandina derxistina qanûnê ku parastina qanûnî ji bo zarokên sêwî ji hemî cûreyên tundûtîjiyê peyda dike, tekez kir.

Serokomar her wiha beşên saziyê kontrol kir, avahî û bernameyên wê yên pêgihandin, perwerde û psîkolojîk nirxand, û li şirovekirina mekanîzmayên lênêrîna zarokan û xizmetên ku ji wan re têne peyda kirin guhdarî kir.

PUKMEDIA