Cîgirê Serokê herêmê rola hevpeymaniya Almanya bilind nirxand

Nivîsingeha Ragihandina Cîgirê Serokê Herêma Kurdistanê

Wêneyek ji civînê

Îro;Sêşem rêkefta (14-07-2026) an Şêx Cefer Şêx Mistefa, Cîgirê Serokê Herêma Kurdistanê,pêşwazî li Matthias Weller, Cîgirê Konsulê Giştî yê Almanya li Herêma Kurdistanê û Kolonel Picha, Fermandarê Leşkerî yê Hêzên Almanî di Hevpeymaniya Navdewletî ya li dijî DAIŞê de kir.

Di hevdîtinê de,her du aliyan tekezî li ser pêşxistin û berdewamiya têkiliyên di navbera Almanya û Herêma Kurdistanê de li ser bingeha berjewendiyên hevbeş kirin; her wiha wan li ser gefên DAIŞê yên li ser herêmê û girîngiya berdewamiya alîkariya leşkerî ya Almanya ji bo Pêşmerge di çarçoveya hevpeymaniya navneteweyî de gotûbêj kirin.

Cîgirê Serokê herêmê spas û pêzanîna Herêma Kurdistanê ji bo piştgiriya berdewam ya Almanya ji bo Îraq û Herêma Kurdistanê dubare kir,û rola hêzên Almanî di çarçoveya hevpeymaniya navneteweyî ya li dijî DAIŞê de li herêmê bilind nirxand.

Proseya çaksazî û yekxistina Pêşmergeyan di çarçoveya Wezareta Karûbarên Pêşmergeyan de û pêşketinên dawî yên li Rojhilata Navîn û encamên wan li ser ewlehiya herêmî tewerek din ya civînê bû.

PUKMEDIA