Gera sêyem a şerê Amerîka û Îranê berdewame

Ajans

Şer Berdewame

Gera sêyemîn a şerê Amerîka û Îranê berdewame û Centcom dibêje ku, çendîn êrîş li ser deverên cuda yên Îranê encam dane û Îranê jî bersiva êrîşan daye û baregehên leşkerî yên Amerîkî li Urdun û Behrêynê kirine armanc.

Artêşa Amerîkî di sibeha îro 24ê Tîrmeha 2026an de ragihand, ku çend çeperên Îranî di şeva 13emîn a êrîşan de hatine bombebaran kirin.

Di heman demê de, Fermandariya Navendî ya Amerîkî, ku wekî Centcom tê zanîn, di daxuyaniyekê de li ser platforma Xê belav kiriye ku êrîş ji du saetan zêdetir dom kirine û armanca wan bersivdayîna gefên Îranê yên li ser keştiyan bûne.

Ji aliyekî din ve, medyaya Îranî ragihand ku çend teqîn li Ehwaz, Andimşk û Omîdiya li başûrê rojavayê welêt hatine bihîstin, ji bilî çend teqînan li nêzîkî girava Qeşm li Tengava Hurmizê li nêzîkî bajarê Bender Ebas rûdane.

Di bersivê de, artêşa Îranê çend baregehên Amerîkî li Urdun û Behrêynê hedef girtin.

Artêşa Îranê di daxuyaniyekê de got ku, bi balafirên bêmirov (dronan) hem baregeha Şêx Îsa li Behrêynê û hem jî baregeha Azraq li Urdunê hedef girtine. Aşkere jîkir ku, "Êrîşê depoyên çekan û baregehên leşkerî yên Amerîkî kirine."

Eve di demekê de ye ku Amerîka û Îranê di 11ê Nîsana 2026an de li Pakistanê dest bi danûstandinên aştiyê kirin, lê roja din têkçûna danûstandinan ragihandin. Wan çend dewreyên danûstandinan berdewam kirin heta ku di 22ê Hezîranê de li Swîsreyê rêkeftinek têgihîştinê îmze kirin. Lêbelê di 8/7/2026 careke din şer û alozî di navberaherdu welatan de dîsa dest pê kir.

PUKMEDIA