Serokomar: Serweriya yasayê bingeha sereke ya avakirina dewletê ye

Ragihandina Serokomar

Serokomarê Iraqê û Cebar Herdan

Serokomarê Iraqê Nizar Amêdî îro Duşemê 27 Tîrmehê 2026`an li koşka Selam li Bexda pêşwaziya Cebar Herdan serokê Desteya Niştimanî ya Bilind a Lêpirsîn û Dadperweriyê kir.

Di hevdîtinê de, xebatên desteyê û mekanîzmayên cîbicîkirina erkên wê li gorî çarçoveyên destûrî û yasayî hatin gotûbêjkirin. Serokomar tekez kir ku serweriya qanûnê bingeha sereke ya avakirina dewletê ye û çespandina prensîbên dadperweriyê û cîbicîkirina qanûnên derbasdar bi awayekî pîşeyî û zelal, pêbaweriya welatiyan bi saziyên dewletê xurtir dike.

Ji aliyê xwe ve, Cebar Herdan serokê Desteya Nîştimanî ya Bilind a Lêpirsîn û Dadperweriyê karên sereke yên desteyê, dozên ku ew dişopîne û hewldanên ku di cîbicîkirina berpirsiyariyên qanûnî de tên kirin, pêşkêş kir.

PUKMEDIA