Serokomar: Parastina ewlehiya avê û nehêştina şopên guherîna avhewayê

Ragihandina Serokomar

Serokomar û şanda guherîna avhewayê

Serokomarê Iraqê Nizar Amêdî, îro sêşemê 28ê Tîrmeha 2026an li Koşka Selam ya li Bexdayê, şandeya danûstandinê ya timî ya guherîna avhewayê û endamên komîteya rêber pêşwazî kirin û di civînê de pêşhatên dosya avhewayê û gavên pêwîst ji bo bilindkirina kapasîteya Iraqê ya li hemberî pirsgirêkên jîngehê hatin gotûbêjkirin.

Di civînê de ku Wezîra Jîngehê Sirwe Ebdulwahîd jî amade bû, rewşa guherîna avhewayê û rêyên rûbirûbûna wê hatin gotûbêjkirin. Serokomar tekez kir ku ev diyarde bûye astengiyek ku bersiveke niştimanî ya giştî dixwaze û bal kişand ser pêwîstiya pêşxistina mekanîzmeyên bi bandor ji bo lihevhatina bi bandorên wê re, her wiha pejirandina polîtîkayên yekgirtî ji bo parastina ewlehiya avê, parastina sektora çandiniyê û hemû çavkaniyên siruştî.

Her wiha wî girîngiya hevahengiya di navbera saziyên peywendîdar û berfirehkirina hevkariya bi hevkarên navneteweyî re diyar kir, bi armanca piştgiriya cîbicîkirina pabendbûnên jîngehê yên Iraqê û xurtkirina kapasîteya wê ji bo rûbirûbûna pirsgirêkên pêşerojê.

Ji aliyê xwe ve, endamên şandeyê kurteyek derbarê rêça gerên danûstandinên navneteweyî yên avhewayê û pêşîniyên Iraqê di gerên bê de pêşkêş kirin, her wiha behsa gavên ku hatine avêtin ji bo zêdekirina derfetên bidestxistina piştgiriya teknîkî û darayî ji bo projeyên jîngehê kirin û pesna giringîpêdan û piştgiriya Serokomar dan ji bo wan hewldanên ku armanc dikin amadebûna Iraqê di forumên navneteweyî yên taybet bi avhewayê de xurt bikin.

PUKMEDIA