Wezareta Samanên Xwazayî derbarê benzînê de çend biryar dan

PUKMEDIA

Logoya Wezaretê

Wezîrê Samanên Xwazayî yê bi wekalet serperiştiya civîneke Rêveberiya Neft û Kanzayan a ser bi wezaretê kir ji bo dabînkirina benzînê, çavdêrîkirina bihayan û çareserkirina pirsgirêka kêmbûna benzînê û çend biryar dan.

Naveroka biryarên Wezareta Samanên Xwazayî:

Yekem: Wezareta Samanên Xwazayî hemû hewlên xwe dide bi mebesta zêdekirina para Hikûmeta Herêmê ji nefta xav ji aliyê Hikûmeta Federal ve ku di vê demê de tenê rojane 50 hezar bermîl e, ku dike (39.46%) ji para Herêmê di rêjeya mafên rastîn ên Herêmê de ku dibe (12.67%) û wekhev e bi rojane 126 hezar û 700 bermîlan.

Duyem: Zêdekirina mîqdara benzîna cureya normal a piştgirîkirî ya hikûmî bi 750 dînarî ji bo her lîtreyekê bi hevahengî re ligel tevahiya parêzgeh û îdareyên xweser.

Sêyem: Çavdêrîkirina benzîna bazirganî ya rojane ji bo cureyên (Normal, Muhesen, Sûper) ji aliyê kalîteyê ve û guncandina wê ligel rewşa rojane ya bazara îro ya Herêma Kurdistanê.

Çarem: Zêdekirina karê komîteyên çavdêrî û peydakirinê yên Rêveberiya Neft û Kanzayan a parêzgeh û îdareyên xweser ji bo parastina kalîteya cureyên benzînê.

Pêncem: Pêşkêşkirina hemû hêsankariyan ji bo hawirdekirina benzînê û keresteyên kîmyayî bi şert û rênmayên Wezareta Samanên Xwazayî.

PUKMEDIA