SOMO dahata du mehên firotina petrolê aşkere dike

Ragihandina SOMO

Kompaniya SOMO

Kompaniya Bazarkirina Petrolê ya Iraqê (SOMO), îro Sêşemê 28/7/2026ê, tevahiya hinardekirina petrolê ya Iraqê di mehên Gulan û Hezîranê yên sala 2026an de ragihand û da xuyakirin ku mîqdarên hatine hinardekirin (32) milyon bermîl derbas kirine û dahateke aborî ya zêdetirî du milyar dolarên Amerîkî bi dest xistine.

Kompaniyê di amarekî fermî de ku wêneyek gihêtiye PUKMEDIAyê, têde diyar kiriye ku tevahiya mîqdarên petrola xav a hatî hinardekirin, bi hûrgilî gihîştiye (32,114,677) bermîlan, di heman demê de nirxê dahata darayî ya hatî bidestxistin gihîştiye (2,335,537,399) dolaran.

Her wiha Kompaniya SOMO hûrgiliyên mîqdarên hatine hinardekirin û dabeşkirina wan li gorî zevî û deriyên hinardekirinê diyar kir, ku tê de petrola Besrayê rêjeya herî mezin a hinardekirinê pêk aniye bi mîqdarekî ku gihîşt (20,238,836) bermîlan, di demekê de ku mîqdarên hatine hinardekirin ji petrola xav a Kerkûkê bo bendera Ceyhan a Tirkiyê gihîştin (10,311,216) bermîlan.

Her wiha mîqdarên ku ji petrola xav a Herêma Kurdistanê bi rêya bendera Ceyhanê hatine hinardekirin gihîştin (1,564,625) bermîlan.

Ev amar nîşan didin ku kompaniya bazarkirina petrolê "SOMO" berdewam e di birêvebirin û hinardekirina petrola xav a Iraqê ji zeviyên navîn, başûr û bakur û bi rêya deriyên cihêreng ên hinardekirinê de, bi awayekî ku herikîna dahatan ji bo xurtkirina xezîneya giştî ya dewletê misoger dike.

PUKMEDIA