Li Efrînê nerazîbûn derket piştî rawestandina mûçeyan û dûrxistina 152 mamosteyan

PUKMEDIA

Efrîn

Dûrxistina 152 mamosteyên jin û mêr ên ji xelkê Efrînê ji karê wan û rawestandina mûçeyên wan, tevî sozên berdewamdana dayîna mafên wan piştî vegera wan bo bajêr, bû sedema nerazîbûneke berfireh di navbera kesên ku zirar dîtine de, daxwaza betalkirina vê biryarê tê kirin.

Li gor ragihandina ajansa ANHAyê li ser zarê mamosteyan, wan di hemû salên koçberiya neçar de li herêmên Bakur û Rojhilatê Sûriyê û kantona Şehbayê erkên xwe yên perwerdeyî li gorî bernameya Rêveberiya Xweser berdewam kirine, û tevî rewşên awarte yên ku di dema koçberiyê de hebûn, wan berdewam kirine di fêrkirina xwendekaran de.
Wan tekez kir ku vegera mamosteyan bo Efrînê li ser bingeha sozên fermî bû ku tekezî li ser destdirêjnekirina ser mafên wan ên kar û jiyanê dikir, herwiha tekezî li ser misogerkirina berdewamdana dayîna mûçeyên wan piştî vegerê dikir.

Lê belê, mamoste bi biryarekê şok bûn ku tê de mûçeyên wan hatine rawestandin û ew ji karê xwe hatine dûrxistin, bêyî ku tu daxuyaniyeke fermî derbarê sedemên biryarê de bê dayîn, ev yek bû sedema rewşeke nerazîbûnê di nava kesên zirar dîtine de.

PUKMEDIA