Amerîka xwe ji bo operasyoneke leşkerî ya nû li dijî Îranê amade dike

Ajnas

Şerê Îran û Amerîka

Amerîka xwe ji bo operasyoneke leşkerî ya nû li dijî Îranê amade dike û li benda biryara dawî ya Serokê Amerîkayê Donald Trump in.

Tora CBS News, ku hevparê Amerîkî yê BBC ye, ji çavkaniyan veguhestiye ku, Amerîka û Îsraîl armanc dikin ku li dijî armancên binesaziya wizeyê li Îranê operasyonekê bidin destpêkirin, û tê payîn ku di destpêka hefteyê de êrîş bên pêkanîn.

Li gorî çavkaniyên ku tora CBSê pişta xwe pê ve girêdaye, Serokê Amerîkayê Donald Trump hîn pesendkirina dawî ji bo destpêkirina van êrîşan nedaye.

Torê diyar kir ku ev operasyon dê bibe yek ji operasyonên herî tund ku heta niha li dijî binesaziya wizeyê ya Îranê di nav şerê Amerîka û Îsraîlê de ligel Tehranê hatiye kirin, û amaje bi hebûna nîqaşekê kir ku tê de behsa bidawîkirina êrîşan berî vekirina bazarên darayî yên roja Duşemê tê kirin.

Her wiha tora CNN, li zarê rayedarên Amerîkî yên agahdar, ragihand ku Amerîka di rojên dawî de leza amadekariyên xwe ji bo pêkanîna êrîşên leşkerî li dijî Îranê zêde kiriye. Li gorî çavkaniyan, Fermandariya Navendî ya Amerîkayê vebijarkên xwe yên operasyonel amade kirine û hêzên xwe ji bo îhtîmala berfirehkirina qada operasyonan amade kirine, ku kampanyayeke bordûmankirina tund ku nêzîkî du hefteyan berdewam dike û armanc dike cihên mûşekî yên Îranê, di nava xwe de digire.

Çavkaniyan zêde kirin ku Washington plan dike ku di zûtirîn dem de êrîşên nû li dijî Îranê bide destpêkirin, û dibe ku di dawiya vê hefteyê de dest pê bikin.

PUKMEDIA