Zêdetirî 50 hezar koçber gihîştine Spanyayê ku piraniya wan vedigerin

CNN

Wêneyê Koçberan

Hikûmeta Spanyayê ragihand ku piştî ku di du rojên borî de hejmareke mezin ji koçberan bi komî sînorê navçeya Sebte ya li bakûrê Afrîqayê derbas kirin û çûne Spanyayê û 57 kesan jiyana xwe ji dest dan, piraniya wan jî bi dilxwazî vedigerin welatê xwe.

Nûnerê hikûmeta Spanyayê li bajarê Sebte roja Şemiyê got ku cenazeyên 57 koçberan li ser sînorê Spanyayê hatine dîtin û tê payîn ku hêjmara qurbaniyan li aliyê Mexribê zêdetir be, beşek ji wan koçberan di dema hewldana derbaskirina astengiyên deryayî û dîwarê sinor ketine xwarê û jiyana xwe ji destdane.

Wezareta Navxwe ya Spanyayê got: Ji roja Pêncşemê 30ê Tîrmeha 2026an vir ve, nêzîkî 50 hezar kes ji sînorê Spanyayê derbas bûne (hin çavkaniyên herêmî hejmar wekî 60 hezarî texmîn dikin).

Heta weku êvara Înê 31/7/2026 tê texmîn kirin ku zêdetirî 48,300 koçber bi dilxwazî vegeriyane Mexribê (Fas)ê û ji Spanyayê derketine.

Di vê navberê de, hêzên Mexribê (Fas)ê li deriyê Sebtayê bi dar û xaza rondikrêj hewil dane daku rê li ber hejmareke mezin ji koçberan bigirin ku ji Fasê (Mexribê) ber bi Spanyayê ve biçin.

Herikîna girseyî ya koçberan ber bi Spanyayê ve li Ewropayê bûye sedema dubendiyê û rêberên Yekîtiya Ewropayê bang li Spanyayê kirin ku di zûtirîn dem de rewşê kontrol bike.

Di heman demê de, koçberên din bajarokê Belionş a Mexribê (Fas) wekî xala destpêkê ya ji bo Spanyayê hilbijartine, ji ber ku ew ji bo gihîştina Spanyayê mesafeyek pir kurttir dibirin, ku ev yek bûye sedema pevçûn û aloziyan li ber deriyên sinorî.

Bajaroka Sebta xwedî cihekî dîrokî û demografîk ê taybete, ji sala 1580-an vir ve beşek ji Spanyayê ye. Nifûsa wê bi wekhevî di navbera Xiristiyan û Misilmanan de dabeş dibe, komên etnîkî yên Spanyayî û Fasî bi heman rêjeyê bi hev re dijîn.

PUKMEDIA