Yunanê rewşa awarte ragihand

COSTAS METAXAKIS

Şewitandina daristanên Yunanê

Ji ber bayê xurt şewatên daristanan zêde dibin û îro li gelek deverên Yunanê agirên ji ber bayên bihêz çêbûn zêde bûn, û ji nav wan jî li nêzîkî Atînayê bû,her çend agirvemirandin û valakirina berfireh berdewam dike jî, raportek ajansa Rueters dibêje ku dabînkirin li hin deverên Spanya û Fransayê xiraptir dibe.

Ewropa havîna îsal bi pêlên germê, hişkesaliyên demdirêj û şewatên daristanan re rû bi rû maye, ji ber vê yekê bi sed hezaran kes neçar man ku gundên xwe li Fransa û Spanyayê vala bikin.

Rayedarên Yunanê îro roja Şemiyê rêkefta (01-08-2026).an li gelek deveran rewşa awarte ragihandin û hişyarî dan li ser metirsiya bilind ya şewatan li Attica û Evia.

Di heman demê de, Ajansa Anadolê ragihand ku Serokwezîrê Yunanê Kyriakos Mitsoutakis ji bo wergirtina agahiyên nû li ser şewatê serdana Navenda Hemahengiya QeyranênParastina Sivîl kir,di demekê de ku zêdetirî 300 agirkuj, bi piştgiriya 92 otombêlên agirkujiyê, alavên giran û balafiran, li herêma Biotia agirê mezin ê li wir vemirandin.

Her weha ji ber şewatê zêdetirî 200 kes ji bajarokê Agios Vasilios, ku bi qasî 80 kîlometreyan li bakurê rojavayê Atînayê ye, bi riya deryayê ew dever bi cih hêlan,her weha 12 kesên din ji aliyê zêrevanên sinorê deryayê Yunanê û keştiyek xizmetgûzariya agirkujiyê ve li peravên Porto Germino hatin rizgarkirin.

Ev yek di demekê de ye ku,hewldanên kontrolkirina agir li deverên Argolida û Artayê di şevê de berdewam dikin.

PUKMEDIA