Fermandarê Giştî yê Hêzên Çekdar serokayatî civîneke lezgîn dike ji bo gotûbêjkirina pêşhatên ewlehiyê

PUKMEDIA

Elî Zeydî serokwezîrê Îraqê

Ofîsa Ragihandinê ya Serokê Encûmena Wezîran a Îraqê di daxuyaniyekê de ragihand: Elî Falih Zeydî, Serokê Encûmena Wezîran û Fermandarê Giştî yê Hêzên Çekdar, êvara şemiyê 1ê tebaxa 2026an, serokatiya civîneke lezgîn kir bi armanca gotûbêjkirina pêşhatên ewlehiyê yên dawî yên li deverê.

Di daxuyaniyê de hat diyarkirin: Di dema civînê de, Elî Falih Zeydî tekezî li ser pêwîstiya rêgirtina li ber her cure binpêkirin an gefekê kir ku ji xaka Îraqê ve arasteyî welatên cîran bê kirin, herwiha ferman da ku komîteyeke ewlehiyê ya hevbeş bê avakirin ji bo rûbirûbûna astengiyan û danîna mekanîzmeyeke bandordar ji bo rêgirtina li dubarebûna van cure bûyeran an jî her binpêkirineke çaverêkirî.
Herwiha hat destnîşankirin: Elî Falih Zeydî dezgehên ewlehiyê yên Îraqê raspartin ku qanûnê pêk bînin, ewlehî û aramiyê xurt bikin û berpirsiyariyan li xwe bigirin ji bo parastina serweriya niştimanî û pêkanîna prensîba cîrantiya baş.

Her wiha hate gotin: Di civînê de amadebûna temam a hêzên çekdar hate dubarekirin ji bo pûçkirina her hewldanekê ku welatên cîran li deverê bikin armanc, û tekezî li ser pabendbûna neguhêr a Îraqê hate kirin bi wê yekê ku rê neyê dayîn xaka welat bibe cihê destpêkirinê an jî rêgehek ji bo êrîşkirina ser welatên birayên û dost, ev yek jî di çarçoveya rêzgirtina li prensîbên cîrantiya baş û qanûnên navneteweyî de ye.

PUKMEDIA