Wezareta Petrolê pilaneke nû ji bo zêdekirina hinardekirinê aşkere kir

Nivîsinegha Ragihandina Wezaretê

Avahiya Wezareta Petrolê

Wezareta Petrolê ya Îraqê dibêje ku ew niha li ser temamkirina boriya petrolê ya Besre-Kerkûk-Ceyhanê kar dike,û dibêje:Me peymanek demkî ya salekê bi Turkiye re îmze kiriye daku rojane 750 hezar bermîl petrol bi riya bendera ceyhanê were hinardekirin, ku şiyana zêdekirina wê heye.

Selîm Rukabî, berdevkê wezaretê, aşkre kir ku kar ji bo temamkirina rêkarên projeya boriyê (Besre - Hedîse - Kerkûk - Ceyhan) û riyên din yên ber bi benderên Banyas û Eqabe ve, bi armanca cûrbecûrkirina benderên hinardekirinê, berdewam dike.

Di heman demê de, bal kişand ser hemahengiya hevbeş ya di navbera Îraq, Amerîka û Sûriyê de ji bo avakirina hêla (Hedîse - Banyas) û tekez kir ku zêdebûna hinardekirinê bi başbûna rewşa ewlehiyê û vegera tevahî ya hilberîna petrolê li Herêma Kurdistanê ve girêdayî ye.

Derbarê birê berhemanînê jî berdevkê wezaretê ragihand ku,ne aramiya li bazara cîhanî bandor li birê hilberînê kiriye, lê şerê li herêmê bandorek mezintir li ser hinardekirina petrolê kiriye.

PUKMEDIA