Wezîrê Petrolê: Rêkeftina Iraq û Tirkiyê ji bo hinardekirina petrolê di Herêmê re ye

PUKMEDIA

Boriya Petrolê ya Iraq - Tirkiyê

Wezîrê Petrolê yê Iraqê ragihand ku, ew peymana ku di 1ê Tebaxa îsal de bi aliyê Tirk re hatiye îmzekirin, bi armanca misogerkirina berdewamiya hinardekirina petrola xav ji zeviyên Herêma Kurdistanê re ye û biryare di vê demê de pêşnûmeyeke ji bo peymaneke demdirêj di navbera her du welatan de bê amadekirin, ku armanca vê gavê gihîştina derbasbûna hinardekirina rojane ya 700 hezar bermîl petrolê ye.

Wezîrê Petrolê yê Iraqê Basim Mihemed Xuzeyr ragihand: Hikûmet li ser planeke berfireh dixebite daku beşek ji petrola zeviyên başûr bi rêya Herêma Kurdistanê û bendera Ceyhanê bê veguhestin.

Got jî: Armanca vê pêngavê gihêştina asta hinardekirina 700 hezar bermîl rojane ya petrolê ye, ev yek jî di çarçoveya bicihanîna peymana aborî ya di navbera Iraq û Tirkiyeyê de pêk tê.

Ji aliyekî din ve, Wezîrê Petrolê eşkere kir ku: Giftûgoyên berdewam bi Komara Îslamî ya Îranê re hene bi mebesta rêkxistin û hemahengiyê ji bo misogerkirina tevgera keştiyên petrolê bi rêya Tengava Hurmizê û got ku tê çaverêkirin di rojên pêş de li ser vê pirsê bigihîjin têgihiştineke hevpar.

PUKMEDIA