Xaza Kormorê ji bo berhemanîna karebê bo Kerkûkê tê şandin

ajansa

Kêlgeha Kormor

Herdû Kompanî "Dana Gas" û "Petrola Hîlal" îro roja Sêşemê 4/8/2026`an ragihandin ku, wan dest bi şandina xaza sirûştî ji kêlgehên Kormorê ku li parêzgeha Silêmaniyê ye, kirine ji bo stasyonên Wezareta Karebê li parêzgeha Kerkûkê.

Herdu kompaniyan di beyannameyekê de ku wêneyek jê gihêştiye destê PUKMEDIAyê, ragihandine: Li gorî wê peymana ku di Kanûna Pêşîn a sala borî de ligel Wezareta Karebê ya Îraqê hatiye îmzekirin, her du kompanî 'Dana Gas' û 'Petrola Hîlal' – ku wekî rêveberên hevbeş ên Projeya xaza Kurdistanê kar dikin – wê rojane 100 milyon pêsêca yên xaza xwazayî ji kargeha amadekirina xazê ya li Kormorê veguhezînin stasyona karebê ya xazê ya li Kerkûkê.

Diyar jî kirine ku, ev peyman ji bo heyama destpêkê ya salekê ye û beşdar dibe di xurtkirina hilberîna karebê û baştirkirina xizmetên girêdayî wê de li hemû Îraqê.

Daxuyaniyê her wiha da zanîn ku: Ev destkeftî gaveke girîng e di nava stratejiya her du kompaniyan de ji bo berfirehkirina firotina xazê, ev yek piştî temamkirina projeya berfirehkirinê ya 'Kormor 250' tê, ku di Cotmeha 2025an de ketibû kar de û bibû sedema bilindbûna kapasîteya hilberînê ya kargeha Kormorê bi rêjeya %50, bi awayekî ku gihîşt 750 milyon pêsêca di rojekê de.


PUKMEDIA