Projeyasaya bihêzkirina piştevaniya nîştimanî û yekgirtina civakî hat pejirandin

AA

Parlamentoya Turkiyê

Komîteya Dadê ya Parlamentoya Turkiyê reşnivîsa projeyasaya bihêzkirina `piştevaniya nîştimanî û yekgirtina civakî` pejirand û reşnivîs şand serokatiya parlamentoyê.

Piştî gotûbêjkirina li ser reşnivîsa projeyasaya xurtkirina `piştevaniya nîştimanî û yekgirtina civakî` ji bo aştiyê li Turkiyê û Bakurê Kurdistanê, Komîteya Dadê ya Parlamentoya Tirkiyê bi piraniya dengan reşnivîs pejirand û şand serokatiya Parlamentoya Turkiyê daku bikeve bernameya xebatê ya rûniştinên pêşerojê û deng li ser bê dayîn.

Di heman demê de, di nava gotûbêjên pejirandinê de, parlamentera DEM Partiyê Dîlan Kûnt Ayan daxwaza guhertinê di xala çaremîn a pêşnûme yasayê de kir û tekezî li ser pêwîstiya beşdariya jinan kir di wan komîteyên ku ji bo cîbicîkirina pêşnûme yasayê de tên damezirandin.

Bi pejirandina reşnivîsa projeyasaya çarçoveyê de, pirsa kurd dikeve qonaxeke nû ku niha di yek ji qonaxên xwe yên dîrokî de ye; pirsgirêka kurd ku zêdetirî sedsalekêye û qonaxa pevçûnê ya zêdetirî 40 salî ye, ji qada tundûtûjiyê vediguhêze qada yasayî û siyasî.

PUKMEDIA