Keçek Kurd wek baştirîn golparêza Rojavayê Asya hat hilbijartin

Medya

Mîdya Husên, keça werzişkar ya ji bajarê Qamîşlo

Mîdya Husên, keça werzişkar ya ji bajarê Qamîşlo ya Rojavayê Kurdistanê, di Şampiyoniya Klûban ya Rojavayê Asyayê de sernavê "baştirîn golparêz" bi dest xist û dîrokeke nû ji bo fûtbola keçan li herêmê nivîsand.

Ev keça werzişkar ku sala 2011.an ji dayîk bûye, xwendekara pola dawî ya amadeyî ye, tevî kêmbûna derfet û astengiyan jî, di postên dijwar ya golparêziyê de kariye mohra xwe li ser xwe bihêle.

Mîdya ji bilî lixwekirina forma tîma futbolê ya keçan a Sûriyê, di asta klûban de jî ji bo El Hilal jî dilîze.

Eleqeya Mîdya bo futbolê ne bê sedem bûye;ew di malbateke werzişvan de mezin bûye ku bav û dayîka wê lîstikvan û rahênerên berê yên Cîhadê bûn, û xwişk û birayên wê jî bi futbol û Tenîsê re mijûl dibûn.

Ev jîngeha werzîşî bû sedem ku ew di sala 2022.an de dest bi jiyana xwe ya pîşegerî bike, û di yaneyên Cîhad û Payman derbazî El Hîlal bibe û çend caran xelata baştirîn golparêz bi dest xistiye.

Piştî ku di Şampiyoniya Rojavayê Asyayê de Kûpaya Cîhanê bê têkçûn bi dest xist û xelata baştirîn golparêz wergirt,û Mîdya niha bi tîma xwe re ji bo tûrnûvaya Sûriyê amade dibe, ku dê bi Hindistan, Îraq û Malezyayê re rûbirû bibe.

PUKMEDIA