Şanda YNK sektora petrolê û krîza sotemeniyê bi wezîrê petrolê re gotûbêj dike

Malpera Fraksyona YNK

Wêneyê Civînê

Şandeke bilind a Yekîtiya Nîştimanî ya Kurdistanê (YNK), îro roja Duşemê, serdana Wezîrê Petrolê yê Îraqê Basim Mihemed Xizêr Ebadî kir û her du aliyan çend mijar û dosyayên girêdayî sektora Petrolê gotûbêj kirin.

Di şandê de Wezîrê Dadê Dr. Xalid Şiwanî, Serokê Lijneya Petrol û Gaz û Çavkaniyên Sirûştî ya Parlamentoyê Herîm Kemal Axa, Cîgirê Wezîrê Çavkaniyên Sirûştî yê Herêma Kurdistanê Ehmed Muftî, û Rêveberê Refîneriya Dukanê Saman Fayiq cih digirtin.

Di civînê de, komek mijarên têkildarî sektora Petrolê û her wiha dosyayên ku bala her du aliyan (Hikûmeta Federal û Hikûmeta Herêma Kurdistanê) dikişînin, hatin gotûbêjkirin.

Her di civînê de, encamên krîza sotemeniyê û rêyên çareserkirina wê hatin nirxandin, ligel gotûbêjkirina çend pirsên din ên ku bi sektora Petrolê ve girêdayî ne, bi armanca xurtkirina hevkarî û hevrêziya di navbera aliyên peywendîdar de.

PUKMEDIA