Pênûsa îmzekirina biryara darvekirina Ecac bi mûzexaneya Emnesureke hat bexşîn

Taybet

Xanim Şanaz Îbrahîm Ehmed û Dadwer Aso Mihemed

Mûzexaneya Nîştimanî ya Emnesureke bi dirûşma "(Daku em ji bîr nekin)" pênûsa biryara darvekirina celadê Enfalê "Ecacê Nûgreselman" diparêze.

Di merasîmekê ku li Mûzexaneya Enfalê birêve çû de, xanim Şanaz Îbrahîm Ehmed pênûs ji dadwer (Aso Mihemed) wergirt; ku ew pênûs ji bo îmzekirina biryara darvekirin û cezakirina celadê Nûgreselman li ser tawanên îşkencekirin, kuştin û zindî binaxkirina bi sedan jin, mêr û zarokên bê tawan ên kurd di operasyonên Enfalê de hatibû bikaranîn.

Piştî radestkirinê, xanim Şanaz Îbrahîm Ehmed ew pênûs ji Serokê Dadgeha Bilind a Tawanên Îraqê dadwer Seid Xeziel Lamî, ku di 14.05.2026an de biryara darvekirina (Ecac Ehmed Herdan) pê îmze kiribû, da Mûzexaneya Nîştimanî ya Emnê Surek daku di nava Mûzexaneya Enfalê de wekî yek ji belgeyên şahidiyê yên hovîtiya tawanbarên dosya êrîşên Enfalê û berpisên rejîma jêbirî were parastin.

Derbarê merasîmê de, xanim Şanaz axivî û got: "Bi salane kesûkar û qurbaniyên Enfalê û em hemû li benda sizadana wan kesan in ku bi awayekî hovane û neyasayî reftar bi kurdan re kirine."

Şanaz xan her weha got: Ez spasiya hemû wan aliyên li Bexda û Kurdistanê dikim ku karîn bi hev re karekî wisa bikin ku Ecac bigihêje sizayê xwe.

PUKMEDIA