Erdhejeke bihêz Kolombiya hejand

USGS

Nexşeya Cihê Erdhejê

Erdhejeke bi hêza 7.4 pileyî li gorî pîvana Richter, rojavayê Kolombiyayê û beşek ji welatê Ekvador a cîran hejand û ziyaneke mezin gihişt wan herêman.

Ajansa Associated Press ragihand: Îro di 10ê Tebaxa 2026an de, erdhejeke bi hêza 7.4 pileyî û di kûrahiya 66 mîl de, rojavayê Kolombiyayê û beşek ji Ekvadorê hejand û navenda erdhejê li bajarokê (San Jose del Palmal) a herêma (Choco) bû ku nêzîkî 250 mîl li rojavayê Bogota ya paytexta Kolombiyayê dûre.

Di heman demê de, parêzgarê Choco (Nubia Cordoba), di peyameke xwe de li ser torên civakî ragihand: Ji ber erdhejê gelek kes birîndar bûn û ziyaneke mezin gihiştiye avahiyan.

Ev di demekê de ye ku di dawiya meha Hezîranê de jî du erdhejan bi hêza 7.2 û 7.5 pileyî Venezuela hejandibûn û ji ber wê sedemê bi sedan avahî wêran bûn û zêdetirî pênc hezar kesan jiyana xwe ji dest dan.

PUKMEDIA