Ji ber erdheja li hêz Kolombiya gelek kes bûne qurbanî

BBC News

Dîmenek ji erdhejê

Li welatê Kolombiya di encama erdhejeke bi hêza 7,4 pileyî de, herî kêm 111 kesan jiyana xwe ji dest da, 87 kes birîndar bûn û bi sedan avahî hilweşiyan yan jî ziyan dîtin.

Abelardo de la Espriella,Serokê nû yê Kolombiya ragihand ku erdhejeke mezin a bi hêza 7,4 pileyî welat hejandiye û li gorî daxuyaniya fermî, di vê rûdanê de herî kêm 111 kesan canê xwe ji dest daye, 87 kes birîndar bûne, 61 avahî bi temamî hilweşiyane û zirar gihîştiye 1575 xaniyan.

Ji aliyê xwe ve,Rêveberê Saziya Jeolojiyê ya Kolombiya, Julio Fierro Morales diyar kir ku ev erdhej di nava deh salên dawî de erdheja herî bihêz e ku li welat hatiye tomarkirin.

Tîmên tenduristiyê û parastina sivîl ji bo alîkariya qurbaniyan ketine tevgerê, bi taybet li bajarê Cali û herêmên derdorê ku zirarên mezin dîtine û di heman demê de, serokên gelek dewletên cîhanê ji Amerîka, Ewropa û Rojhilata Navîn amadehiya xwe ji bo piştgiriya xebatên rizgarkirinê yên li Kolombiya nîşan dane.

PUKMEDIA