Nexweşxaneyek li Silêmaniyê dighîje asta nexweşxaneyên cîhanî

Tenduristiya Silêmaniyê

Nexweşxaneya ŞAR

Rêxistina Bijîşkên Bê Sînor bi mêvandariya berpirsên Rêxistina Xaça Sor a Navneteweyî, rahênaneke meydanî û ezmûnî li Nexweşxaneya ŞAR a li bajarê Silêmaniyê birêve bir.

Rahênana ku berpirsê Rêxistina Xaça Sor a Navneteweyî li Îraqê Julius Amuti, tê de beşdar bû, taybet bû bi danûstandina ligel buyer û mamele û hewaraçûna birîndarên zêde di dema rewşên awarte û qeyranan de.

Di kevana ceribandinan de, şiyanên nexweşxaneyê xistin bin ceribandineke kirdarî de daku zelel bibe ka stafa bijîşkî çawa reftarê ligel hatina hêjmareke zêde ji birîndaran dikin û rêkarên pêşkêşkirina çareseriya lezgîn a demildest çawa tên birêvebirin.

Nexweşxaneya ŞAR amadekariyeke baş nîşan da û bijîşk û karmendên nexweşxaneyê karîn bi hişyarî û jêhatineke bilind rewşê kontrol bikin û firyaguzariyan pêşkêşî nexweşan bikin, di heman demê de tîmên firyaguzariya lezgîn ya hejmara 122 hemahengiya temam a nexweşxaneyê bûn di veguhastina wan de bo nexweşxaneyê.

Ev rahênan ji bo cara yekeme ku li seranserê Îraqê tê birêvebirin û ew jî rahênana çareserkirina bûyerên ji nişkêve derdikevin û qurbaniyên bi komî çêdibin.

Di dawiya çalakiyê de berpirsê beşa firiyaguzariya lezgîn a Rêxistina Xaça Sor a Navneteweyî Dr. Srihari Katamaneni, destxweşî arasteyî bijîşk û stafa tenduristiyê ya nexweşxaneyê kir û matmayîna xwe bi asta amadebûna wan anî ziman.

Her weha diyar jî kir ku, nexweşxaneya ŞAR a bajarê Silêmaniyê li ser asta Îraqê navendeke tenduristiyê ya pir pêşketî ye, bi awayekî bê wêne û serdemane ligel rewşên dijwar û awarte tevdigere û cihê serbilindiyê ye ku li Rojhilata Navîn nexweşxaneyeke bi vî rengî heye.

Ji aliyê xwe ve jî berpirsê bijîşkî yê birêvebirina bijîşkî yê Rêxistina Bijîşkên Bê Sînor Dr. Kriwe, destxweşî û matmayîna xwe bi karên nexweşxaneyê di rewşeke wisa ya awarte de anî ziman û ragihand: Ew xizmetguzariya ku li vê nexweşxaneyê tê pêşkêşkirin bi tevahî pêşketî ye û cihê serbilindiyê ye.

PUKMEDIA