Serokomar: Divê hevbeşiya di navbera dewlet û sektora taybet de bê xurtkirin

Ragihandina Serokomar

Serokomarê Îraqê û Serokê Desteya Niştimanî ya Veberhênanê

Serokomarê Iraqê Nizar Amêdî, îro Pêncşemê 13ê Tebaxa 2026an, li Koşka Selam ya li Bexdayê, Serokê Desteya Niştimanî ya Veberhênanê Endezyar Adil El-Yasirî pêşwazî kir.

Di destpêka hevdîtinê de, Serokomar pîrozbahî li Birêz El-Yasirî kir ji ber girtina erka wî ya nû û hêviya serkeftinê ji wî re xwest. Di hevdîtinê de rewşa veberhênanê ya li Îraqê, astengiyên li pêşiya wê û rêyên rakirina wan hatin gotûbêjkirin, da ku zêdetir veberhênanan bikişînin û derfetên berfirehtir ji bo hevkariyên aborî vekin.

Serokomar tekez kir ku avakirina jîngeheke veberhênanê ya xurt pêdivî bi hêsankirina rûtînan, peydakirina garantiyên pêwîst ji bo veberhêneran û avakirina hevbeûşiyeke rastîn di navbera saziyên dewletê û sektora taybet de heye, da ku Îraq bibe armancek veberhênanê û derfetên hêvîdar û demdirêj peyda bike.

Her wiha Serokomar Nizar Amêdî bal kişand ser girîngiya sûdwergirtina ji derfetên veberhênanê yên ku li Îraqê hene û xebatên ji bo arastekirina wan ber bi projeyên ku beşdarî pêşxistina sektorên cuda dibin, bi awayekî ku bandorê li ser baştirkirina xizmetguzariyan bike, piştgiriya çalakiya aborî bike û derfetên kar ên nû biafirîne.

Ji aliyê xwe ve, Serokê Desteya Niştimanî ya Veberhênanê kurteyek derbarê plan û bernameyên herî girîng ên ku ji bo pêşxistina karê veberhênanê hatine amadekirin de pêşkêş kir û tekez kir ku ew ê ji bo rakirina astengiyan û hêsankirina karûbaran li gorî rêgezên hikûmetê di pirrengkirina aborî û xurtkirina geşepêdanê de bixebitin.

PUKMEDIA