Parlemanterê YNK çar amûrên şuştina gurçikan bo Çemçemal peyda kirin

PUKMEDIA

Pola Şehîd Sîrwan Dêreşeyî

Li ser daxwaza parlementerekî fraksiyona Yekîtiya Niştimanî ya Kurdistanê YNKê li Encûmena Nûnerên Îraqê, Wezîrê Tenduristiyê razîbûna xwe ji bo peydakirina çar amûrên pêwîst û girîng ji bo "Navenda Gurçikên Destkird" a qezaya Çemçemalê da diyarkirin, û her wiha pejirand ku ev navend bikeve nava "Projeya Niştimanî" ya ji bo şuştina gurçikan.

Endamê Encûmena Nûnerên Îraqê ji fraksiyona Yekîtiya Nîştimanî ya Kurdistanê YNKê Pola Şehîd Sîrwan Dêreşeyî, ji PUKMEDIAyê re ragihand: "Piştî ku min di 28ê Tîrmeha 2026an de nivîsa daxwaznameya xwe da Wezîrê Tenduristiyê yê Îraqê ji bo peydakirina çar amûrên nû yên şuştina gurçikan ji cureya (Fresenius 5008) ji bo Navenda Gurçikên Destkird li qezaya Çemçemalê, îro Pêncşemê 13ê Tebaxa 2026an, Wezîrê Tenduristiyê razîbûna xwe da diyarkirin û ew çar amûrên ku min daxwaz kiribûn dê peyda bike."

Her wiha Pola Şehîd Sîrwan Dêreşeyî da zanîn: "Wezîrê Tenduristiyê yê Îraqê her wiha razîbûna xwe ji bo daxwazeke min a din jî da diyarkirin ku ev navend bikeve nava Projeya Niştimanî ya ji bo şuştina gurçikan."

Hêjayî gotinê ye ku nexweşên gurçikan li qezaya Çemçemalê ji bo peydakirina pêdiviyên xwe neçar bûn biçin Kerkûkê û Silêmaniyê, û ev rewş jî zext li ser wan çêdikir.

PUKMEDIA