Encumena Bilind a Dadweriyê: 20 milyon dolar û 60 km zêr di doza Cumeylî de hatin desteserkirin

PUKMEDIA

Pereyên Ednan Cumeylî

Encûmena Bilind a Dadweriyê îro Yekşemê ragihand ku di doza Cîgirê Wezîrê Petrolê yê Karûbarên Parzûnkirinê de, 20 milyon dolar hatine desteserkirin li gel 60 kîlogram zêr.

Dadgerê lêpirsînê yê Dadgeha Cezayê ya Tawanên Gendeliyê ya Navendî, di daxuyaniyekê de got: Bi hemahengî ligel Herêma Kurdistanê, 20 milyon û 340 hezar dolarên Amerîkî, 200 milyon dînarên Îraqî, ligel vegerandina 60 kîlogram zêr û desteserkirina 7 otombîlan hatin bidestxistin, ev jî di çarçoveya doza Cîgirê Wezîrê Petrolê yê Karûbarên Parzûnkirinê, tawanbarê girtî Ednan El-Cumeylî û aliyên ku pê re têkildar in de.
Dadger amaje bi wê kir: Rêkarên şopandin û lêgerînê ji bo desteserkirina dahatên darayî yên encamdanî ji windakirina darayî di wan projeyan de ku ji aliyê tawanbar û aliyên di dozê de têkildar ve hatibûn cîbicîkirin, bûn sedema desteserkirina pereyan, zêr û otombîlan.

Wî tekez kir ku: Lêpirsîn berdewam in û dûvçûna tawanbarên din tê kirin, heta ku rêkarên yasayî li dijî wan bên temamkirin.


PUKMEDIA