Serokkomar: Bilindkirina asta amadebûn û şiyanên ewlehiyê ji bo rûbirûbûna astengiyan

PUKMEDIA

serokkomar

Serokkomar Nîzar Amêdî, îro Yekşemê 16ê Tebaxa 2026an li Qesra Selam ya li Bexdayê, Serokê Dezgeha Asayişa Nîştimanî birêz Basim El-Bedrî pêşwazî kir.

Di hevdîtinê de, pêşhatên rewşa ewlehiyê ya li welat, her wiha dosyayên girêdayî ewlehiya nîştimanî û girîngiya xurtkirina hevkarî û hevrêziyê di navbera hemû dezgehên ewlehiyê de hatin gotûbêjkirin.
Serokkomarê tekez kir ku parastina ewlehiya welatiyan û parastina serweriya dewletê berpirsiyariyeke neteweyî ye, û bal kişand ser girîngiya berdewamkirina hewlên ji bo rûbirûbûna metirsî û gefên ku ewlehiya Îraqê armanc digirin û bilindkirina asta amadebûn û şiyanên ewlehiyê ji bo rûbirûbûna astengiyan û parastina berjewendiyên bilind.

Ji aliyê xwe ve, birêz Basim El-Bedrî pêşîniyên sereke yên xebata dezgehê xiste ber behs, û tekez kir ku ew ê berdewam bin di cîbicîkirina erkên xwe de û girîngiyek mezin bidin pêşvebirina performansa ewlehiyê û bilindkirina asta xebata îstîxbaratî, bi awayekî ku beşdariyê di parastina welat û welatiyan de bike.

PUKMEDIA