Serkewt Zekî: Nûkirina peykerê Yekîtî amadekariyeke ji bo hilbijartinê û xurtkirina rêxistinan

PUKMEDIA

Serkewt Zekî

Serkewt Zekî radigihîne: Piştî serketinên hilbijartinê û kongreyê, Yekîtî proseyeke giştî ji bo ji nû ve rêxistinkirin û nûjenkirina peykera xwe ya rêxistinî destpê kiriye. Armanca van guhertinan jî xurtkirina rêxistin, amadekariya ji bo hilbijartinan û lihevhatina partiyê bi prensîbên sosyal demokrat û daxwazên civakê re ye.

Serkewt Zekî, endamê Buroya Siyasî û berpirsê Melbenda Silêmaniyê ya Yekîtiya Nîştimanî ya Kurdistanê, di hevpeyvîneke ku li beşa hevpeyvînan a PUKMEDIAyê de hatiye belavkirin, diyar kir: Yekîtî proseyeke giştî ji bo rêxistinkirin û nûjenkirina peykera xwe ya rêxistinî li ser bingeha guhertinên piştî sala 2021ê û serketinên YNK yên di kongre û hilbijartinan de destpê kiriye.
Biryara dawî derbarê peykera nû de piştî rêze-konferansên navxweyî û civîna du rojî ya Qeleçiwalan hatiye dayîn.

Ragihand: Guhertinan hinek mekteb girtine nav xwe, bi awayekî ku hejmarek mekteb hatine hilweşandin û di nava Buroya Karên Rêxistinî de hatine komkirin. Di heman demê de navend li ser asta parêzgeh û rêveberiyên xweser hatine danîn, her wiha komîte jî ji aliyê mezinahî û desthilatdariyê ve bûne mîna navendên berê.
Hemû dosyayên (civakî, karên hikûmetê û rêxistinên demokratîk) hatine nava heykela navend û komîteyan. Herwiha peykera nû li gorî prensîbên sosyal demokratiya cîhanî ye û bi berçavgirtina taybetmendiyên civaka kurd hatiye dariştin.

Serkewt Zekî da xuyakirin jî: Di guhertinan de berçavgirtina jêhatîbûnê û pêkhateyên olî û neteweyî yên navçeyan (wek Xiristiyanên li Silêmaniyê û pêkhateyên li Kerkûkê) hatiye kirin û danûstandin bi koçberan re wekî mêvan tê kirin û xebata rêxistinî di nava wan de nayê kirin, ji ber ku deng û erdnîgariya wan a rastîn aîdî navçeyên wan bixwe ye.
Wî da zanîn: Komkirin û arastekirina hemû çavkaniyên mirovî yên Yekîtiyê di rêxistinên xurtir de, pêngaveke rasteraste ji bo serketinê di pêşbaziyên demokratîk û hilbijartinan de. Herwiha em tekez dikin ku xebata partizaniyê çalakiyeke dilxwazî û fedekarî ye ji bo bidestxistina armancên siyasî, ne ku amûrek e ji bo dabînkirina mûçeyan û cîgirê saziyên hikûmetê.

PUKMEDIA