Sê kom çekan radest dikin.. Ta niha 580 hezar çek hatine tomarkirin

Ajans

Çek û Teqemenî

Serokê Şaneya Ragihandina Ewlehiyê, Ferîq Seid Main, îro Duşemê, ragihand ku dest bi tomarkirina çekên welatiyên ku li nêzîkî deverên sînorî dijîn, hatiye kirin.

Main ji Ajansa Nûçeyan a Îraqê re got: Sê koman (Seraya El-Selam, Esayib Ehlî Heq û Ketîbeyên Îmam Elî silav li ser bin), di radestkirina çekên nehatine tomarkirin de berdewam in, û kar di rojên pêş de jî ji bo wergirtina çekan ji aliyên din jî dike"  tekez jî kir ku "rêjeyeke mezin ji çekên bi awayên curbicur ji wan koman hatine wergirtin."

Main her wiha da zanîn ku "Komîteya Niştimanî ya Piştgirîkirina Rêkxistina Çekan û sînorkirina wan di destê dewletê de, bi piştgiriyeke pir mezin ji aliyê Serokê Encûmena Wezîran, Elî Falih El-Zeydî û Wezareta Navxwe ve, di karê xwe de berdewam e."

Di heman demê de wî bal kişand ser wê yekê ku "her hefteyê 6 hezar çek li Bexda û parêzgehan tên tomarkirin, û ev hejmar wergirtina çekên nehatine tomarkirin ji welatî û eşîran di nava xwe de digire," û tekez kir ku "hejmara çekên hatine wergirtin heta niha 580 hezar çekî derbas kiriye."

Da xuyakirin jî ku "hejmara nivîsîngehên Komîteya Niştimanî ya Piştgirîkirina Rêkxistina Çekan û sînorkirina wan di destê dewletê de 845 nûsîngeh bûne, lê niha derketiye 848 nûsîngehan, ji ber ku sê nûsîngeh li navçeyên sînorî hatine zêdekirin," û tekez kir ku "komîteyê dest bi tomarkirina çekên niştecihên nêzîkî navçeyên sînorî kiriye."

PUKMEDIA